雪吧餐廳 (Closed)

我收工後，同朋友兩個人去呢間酒吧，酒吧在地庫，所以入去嘅時候要沿着一條樓梯慢慢行落一層。餐廳嘅環境，我覺得幾好，係這一區域少有的清吧。我哋一坐低嘅時候，店員即刻為我哋送上小食，小食並不是日常普通的花生，而是德國製造的專門送酒小食。但名字我也不太記得😅Bartender好健談，首先問我哋想飲乜嘢，然後佢話即使餐牌上沒有的，也可以做給我們。不過我當然唔想佢辛苦，只叫餐牌上所有的酒。首先綠色這杯酒是乳酪溝綠茶加薄荷葉再加Rum，具體名字我也不太記得，但店員會記得架啦～這杯酒的感覺非常易入口，淡淡的綠茶背後是較厚身的Yogourt，薄荷葉令到成杯野更清新。我自己就非常OK。接下落嚟，朋友看的是黃色的這一杯酒，這一杯酒的特色是加了薑黃，配上梳打水，再加其他配料，令到杯野好清新之餘，都非常消滯。餐廳還有其他小食，包括一口牛、燒豬頸肉。一口牛質感好，燒得唔錯，有牛味。燒豬頸肉如是，送酒一流。