Video
Read full review
2019-12-02
2846 views
由於呢家小店有同外賣app做合作優惠，所以我先有留意到佢係新開張，位置真係喺旺角黑布街嘅小巷內。舖頭細細，但望落都幾骨子，向巷仔嗰邊仲有少少座位。我見到小店主要由三位年輕人主理，大家都好友善好好禮貌😊，同埋我feel到佢哋好俾心機。店舖主要賣台式小食，咸食有吐司、地瓜球同花枝丸等，另外仲有賣冷泡茶同自家製三色圓糖水，呢次我幫襯嘅係三色圓，因為個app賣緊呢樣🙈。我要咗2份，可以搭配糖水同芋泥，每份原價$32！古早味蜜芋頭撈三色圓，呢個就係近來超級紅嘅芋泥，今次我第一次食又覺得ok喎(我一向一般芋頭)。芋泥即係芋頭蓉？但又實少少咁，加上有啲甜味，同三色圓都夾嘅，成碗份量唔少。三色圓包括芋圓、地瓜圓同紫薯圓，大大粒幾好咬口，feel到係即刻煮完出嚟，夠淋但唔係稔嗰種，口感唔錯😋。黑糖紅棗薑三色圓，呢款係秋冬期間限定，個碗比芋泥嗰個高身！糖水比起芋泥更夾粉圓，不過鐘意薑嘅我都略嫌有點太薑，雖然啱哂冬天暖胃，而且可以甜多少少，純粹個人口味啦😉。總括嚟講，三色圓幾好食，我鐘意個口感👍，份量亦算多。另外，我見到小店貼出嚟啲咸食小食圖片都好吸引下，有機會都想試試。小店仲製作咗啲公仔圖介紹養生茶嘅功效
由於呢家小店有同外賣app做合作優惠，所以我先有留意到佢係新開張，位置真係喺旺角黑布街嘅小巷內。舖頭細細，但望落都幾骨子，向巷仔嗰邊仲有少少座位。我見到小店主要由三位年輕人主理，大家都好友善好好禮貌😊，同埋我feel到佢哋好俾心機。
店舖主要賣台式小食，咸食有吐司、地瓜球同花枝丸等，另外仲有賣冷泡茶同自家製三色圓糖水，呢次我幫襯嘅係三色圓，因為個app賣緊呢樣🙈。我要咗2份，可以搭配糖水同芋泥，每份原價$32！
35 views
0 likes
0 comments
古早味蜜芋頭撈三色圓，呢個就係近來超級紅嘅芋泥，今次我第一次食又覺得ok喎(我一向一般芋頭)。芋泥即係芋頭蓉？但又實少少咁，加上有啲甜味，同三色圓都夾嘅，成碗份量唔少。三色圓包括芋圓、地瓜圓同紫薯圓，大大粒幾好咬口，feel到係即刻煮完出嚟，夠淋但唔係稔嗰種，口感唔錯😋。
古早味蜜芋頭撈三色圓
$32
47 views
0 likes
0 comments
黑糖紅棗薑三色圓，呢款係秋冬期間限定，個碗比芋泥嗰個高身！糖水比起芋泥更夾粉圓，不過鐘意薑嘅我都略嫌有點太薑，雖然啱哂冬天暖胃，而且可以甜多少少，純粹個人口味啦😉。
黑糖紅棗薑三色圓
$32
26 views
0 likes
0 comments
總括嚟講，三色圓幾好食，我鐘意個口感👍，份量亦算多。另外，我見到小店貼出嚟啲咸食小食圖片都好吸引下，有機會都想試試。小店仲製作咗啲公仔圖介紹養生茶嘅功效，幾得意。最後想講，可能小店新開張嘅關係，加上呢日大家集中買三色圓，我等呢兩碗糖水大概要成20分鐘🤔，店員有話唔好意思，其實我唔趕時間都ok嘅，反正買走返屋企。因為味道唔錯，所以我會形容為慢工出細貨哈哈，不過小店可睇下有無機會改善個出餐流程，因為第日有機會要應付更多嘅人流啊。小店加油💪！
Post
