鴨大哥 (太古坊)

Open Now

Now Closed

今次去咗鰂魚涌食片皮鴨，呢間餐廳之前係銅鑼灣已經食過，見分店係鰂魚涌新開試業有八折，咁抵緊係要約埋朋友一齊去食。北京烤鴨片皮鴨即叫即烤，上枱時已經香氣樸鼻，鴨皮烤得好再酥脆，脂肪唔算多，鴨肉嫩滑，鴨味香濃，餅皮用爐蒸住，唔會咁易變凍。而配料方面有大蔥、青瓜同三款醬料，醬料分別有自家製嘅鴨醬、日本柚子醬同紅糖，可按自己口味配搭。雲南黑士豬叉燒叉燒份量十足，肉質軟腍，肥瘦適中，帶玫瑰露香氣，蜜汁味道略甜。荔枝山楂咕嚕肉咕嚕肉炸得外脆內軟，特別用咗荔枝肉代替菠蘿，味道清甜，醬汁酸酸甜甜，越食越開胃。海鮮鴨湯泡飯原個砂煲上枱，夠曬熱辣辣，材料有鴨肉、帶子、蝦肉等，湯底味道鮮甜，另配上脆米，令整個泡飯口感層次提升。