Video
Read full review
2011-02-19
13 views
其實呢間 “雲貴川”我喺佢開張嗰日都食過下佢哋嘅米線,嗰陣時可能剛開張..好多人去食..因為門口好大. 環境都好開揚. 唔會坐得好迫..但第一次食覺得食品都係一般般啦，今日去咗幫阿妹影相..亞妹話想食米線又唔想去太遠…就再幫襯睇吓佢有無改進先…點知…一排無嚟…呢間“雲貴川” 竟然令我會有寫食評既衝動. 因為食物嘅質素真係比起上一次好食好多好多啊.真係令我哋好喜出望外啊.一行三人既我地ORDER咗:-1. 二人清湯米線 $45 - 雖然賣相一般..但好多餸，同嗰湯底都好清好甜.唔會覺得好似飲緊味精湯咁.2. 酸辣紅薯粉 $22 - 花生酸菜肉碎都好多. 夠酸夠辣. 紅薯粉軟硬適中.好食~3. 功夫雞翼$25 -.有D 香粉洒佐係雞翼上面令到好香啊…又脆口又JUICY. 很惹味4. 煎餃子 $20 - 侍應推薦叫我哋試下比d 意見既.話係用新鮮豬肉自家做既.同埋食嗰陣口感真係唔同.. 不過本人覺得可以細隻D..因為食一隻已經好滯口.5. 手拍青瓜$15 - 極力推薦~~~~~呢碟真係我嘅至愛..每次去邊一間米線店都一定會叫.但呢一間雲貴川 真係做到入味.因為我都食過出
點知…一排無嚟…呢間“雲貴川” 竟然令我會有寫食評既衝動. 因為食物嘅質素真係比起上一次好食好多好多啊.真係令我哋好喜出望外啊.
一行三人既我地ORDER咗:-
1. 二人清湯米線 $45 - 雖然賣相一般..但好多餸，同嗰湯底都好清好甜.唔會覺得好似飲緊味精湯咁.2. 酸辣紅薯粉 $22 - 花生酸菜肉碎都好多. 夠酸夠辣. 紅薯粉軟硬適中.好食~
3. 功夫雞翼$25 -.有D 香粉洒佐係雞翼上面令到好香啊…又脆口又JUICY. 很惹味
4. 煎餃子 $20 - 侍應推薦叫我哋試下比d 意見既.話係用新鮮豬肉自家做既.同埋食嗰陣口感真係唔同..
不過本人覺得可以細隻D..因為食一隻已經好滯口.
5. 手拍青瓜$15 - 極力推薦~~~~~呢碟真係我嘅至愛..每次去邊一間米線店都一定會叫.但呢一間雲貴川
真係做到入味.因為我都食過出名嘅”譚X” 同其他一D 不知名嘅食店..但明顯佢地係就咁”唸”
D 辣油上去. 都無拍過D 青瓜. 一係就好多好多蒜頭係面…cover晒d 味.. 所以呢間做得恰到好處.
不過可以唔駛拍得咁碎..hehe~
6. 夫妻肺片 - $38.00 唔會好辣. 一般人可以接受到. 都食得過呀.
7. 豆漿 - (套餐+$6) 一般啦..唔夠豆味.
8. 奶茶 - (套餐+$6) 都可以呀.
是日買單total: $177
總括嚟講呢間雲貴川今次嘅食物比上次好食咗好多.我覺得一間食店最緊要有進步. 唔好一成不變..最緊要聽D客人聲音,反映..我覺得呢間雲貴川有做到..因為以第一次嚟食同今次有明顯唔同， 我個人推介係紅薯粉同酸辣湯底. 仲有當然係我最like嘅手拍青瓜啦…可以encore~真係好回味.同埋我自己覺得食嘢嘅環境都幾緊要. 起碼呢度光線充足. 坐位唔迫. 裝潢都幾好呀.
反正都係一百幾十蚊可以落樓嘅價錢.可以一試.下次我會食下呢度嘅晚飯. 再同大家報料啦.
Post
