Video
Read full review
2024-04-13
101 views
本身自己一直都好鍾意食壽喜燒，知道坊間有幾間好出名，但係由於聽聞都要早好多訂位，最後選擇試一試呢一間新開嘅壽喜燒餐廳。壽喜燒友位於銅鑼灣，木系設計同餐廳外嘅竹牆營造到溫馨樸實嘅感覺，同時帶有一份恬靜。不過我有留意到餐廳入邊係播緊Yoasobi嘅歌，同禪風裝修都有少少衝突，但係對食物質素唔會有影響。‣ Sukiyaki Lunch Set $580◦ 前菜三小缽◦ 茶碗蒸◦ 壽喜燒（肉眼、西冷、肩肉）餐廳採用蘭王蛋，蘭王蛋嘅蛋黃呈橙紅色，光澤亮麗誘人，而蘭王蛋可以話係我食過覺得蛋味最濃郁嘅雞蛋，濃而不腥，絕對將A4和牛提升幾個層次。而同時餐廳都提供「雲朵蛋」作為沾肉蛋液，擔心蘭王蛋味道太濃郁嘅話就可以揀「雲朵蛋」，口感相對上輕盈好多。但我比較重口味啲，覺得牛肉配蘭王蛋簡直冇得彈。餐廳都好俾心機，每一款肉片都會搭配唔同嘅食材，就好似芋絲、京蔥等等。餐廳亦會推薦佢哋嘅食法，例如沾邊一款蛋液等，所以我都能夠好好享受每一塊肉。餐廳調配嘅壽喜燒醬汁濃郁甘甜，但係甜鹹比例啱啱好，唔會話過份甜或者死鹹，所以可以帶出到牛本身嘅香味。正如啱啱所講搭配蘭王蛋，令肉片嘅口感更加柔軟嫩滑。當中令我最印象深刻嘅就
‣ Sukiyaki Lunch Set $580
◦ 前菜三小缽
◦ 茶碗蒸
◦ 壽喜燒（肉眼、西冷、肩肉）
餐廳採用蘭王蛋，蘭王蛋嘅蛋黃呈橙紅色，光澤亮麗誘人，而蘭王蛋可以話係我食過覺得蛋味最濃郁嘅雞蛋，濃而不腥，絕對將A4和牛提升幾個層次。而同時餐廳都提供「雲朵蛋」作為沾肉蛋液，擔心蘭王蛋味道太濃郁嘅話就可以揀「雲朵蛋」，口感相對上輕盈好多。但我比較重口味啲，覺得牛肉配蘭王蛋簡直冇得彈。
餐廳都好俾心機，每一款肉片都會搭配唔同嘅食材，就好似芋絲、京蔥等等。餐廳亦會推薦佢哋嘅食法，例如沾邊一款蛋液等，所以我都能夠好好享受每一塊肉。餐廳調配嘅壽喜燒醬汁濃郁甘甜，但係甜鹹比例啱啱好，唔會話過份甜或者死鹹，所以可以帶出到牛本身嘅香味。正如啱啱所講搭配蘭王蛋，令肉片嘅口感更加柔軟嫩滑。當中令我最印象深刻嘅就係肉眼，食落去嘅時候帶俾我一種入口即溶嘅感覺。
◦ 米飯、漬物、味噌湯
◦ 雞蛋蓋飯
途中職員都會問你使唔使再加白飯，都好慶幸冇加到，如果唔係就食唔落雞蛋蓋飯。嫩滑嘅雞蛋混合醬汁，灑上飯素，就好似將啱啱牛肉嘅精華都吸收晒咁，令你食嘅時候唔會覺得好飽食唔落，好快你就會食晒呢一碗。不過食完之後就真係覺得唔會再想食其他嘢，太飽了。
◦ 甜品、茶或咖啡
#foodbara_diary
Post
