岸久巿場 (Closed)

見到新開仲做緊優惠，一於試下！好難飲乳酸汽酒見到名字被吸引，其實是由蘋果、藍莓、士多啤梨等雜果組成的，還有一枝紅色的雪條，加入乳酸汽酒內，味道酸酸甜甜的，酒味不濃。柚子乳酸汽酒一樣有紅色雪條，整體味道偏重柚子味，會較甜。岸久青蘋果蟹籽沙律餐牌寫著人氣推介，青蘋果爽脆，仲有芒果和超多蟹籽。岸久刺身5點盛盒好吸引呀！重點推介！有肥厚的油甘魚、三文魚、鮮甜帶子、赤蝦和原板海膽！點盛合價錢較優惠，以二百幾來說食到多款新鮮刺身挺抵的！個人最喜歡赤蝦，因為真的超大隻又粗身，最緊要的是夠新鮮和鮮甜！另外海膽都非常新鮮，完全不腥而且Creamy!!特選浜燒盛盒有5款海鮮，包括2粒北寄貝寶寶 、一隻黃金貝、2隻赤蝦、1隻魷魚和2隻生蠔。店員教我們燒貝類海鮮時可加入桌子旁的湯，燒到起小泡反轉貝肉，沸騰後就可以食！個人最喜歡燒赤蝦，燒前可先剪掉蝦鬚，避免燒燶，只要將蝦的2面燒成橙肉色就可以。蝦肉新鮮彈牙，必食！燒魷魚都不錯👍🏻，只需將兩面燒到脹卜卜就可以用剪刀剪成魷魚圈就輕輕燒多一會兒，魷魚香而且口感彈嚼勁～如果想要其他的調味可以自行加錢買調味醬，蒜味牛油汁，幾香，用來點海鮮或者燒的時候落少少都不錯！