8號茶居 (宏業南街) (Closed)

成日黎依邊都係食隔離既涎，今次終於試左8號。款式都唔算少，叫左8樣野同一個蒸飯套餐，$8位茶錢。套餐：豉汁黃鱔飯 (+$8)+金銀菜燉豬肺湯+洽菜+桂花糕 ($85)黃鱔咸左d, 豉汁太濃稠太"傑", 撈唔到飯，好似叫左白飯食小菜咁，但飯蒸得粒粒分明，不錯。金銀菜燉豬肺湯清得黎又好夠味，豬肺亦都好食，但可惜只有兩小粒，少左d。蝦餃大粒，調味輕手返d 就更好。燒賣都大粒，味道正常。薑蔥牛柏葉味道不錯，又唔會太靭又唔會醃到太軟。香煎蘿蔔糕蘿蔔都算多，煎得夠香，好食。白汁海鮮雪茄春卷 樣有趣既，但唔睇返個名唔知有白汁， 過咸。香滑鮮蝦腸皮太厚，一上枱就咁睇面以為好薄，點知底個面有3、4層皮。手磨薑汁糕好有薑味，比返d 甜中和下好d。擂沙煎堆仔好食，黑芝麻內餡好香，甜度剛好。