Video
Read full review
2019-07-14
33 views
今日突然間好想食越南野！於是就去到荃灣呢間喺路德圍附近嘅越南嘢食下午茶！整體環境都幾唔錯坐得幾舒服，下午茶時段又唔係話好多人所以都安排左我哋坐卡位！梳化都坐得幾舒服！下午茶來講餐牌都幾多選擇，有飯有面，+10幾蚊仲可以加個小食！食越南野點可以冇檬粉呢？於是我哋就叫左一個薄燒牛肉撈檬。蝦頭膏做嘅湯都係越南野其中一樣特色，於是我哋就叫咗酸辣蝦頭膏扎肉湯檬粉。小食就叫咗一個椒鹽軟殼蟹！嘢飲我哋就要左兩杯鮮榨果汁，叫咗橙汁同埋菠蘿汁。先講講個薄燒牛肉撈檬，牛肉個肉質幾嫩，用料都唔差，師傅燒嘅時候亦都冇過火，唔會話燒到成塊牛肉乾咁。佢入面除咗有檬粉之外，仲有啲青瓜絲同埋木瓜絲，為呢碗檬粉帶嚟左清新嘅感覺，夏天食就啱晒啦！之後就係酸辣蝦頭膏扎肉湯檬粉，蝦非常新鮮，個湯都有好濃嘅蝦膏味，應該用咗唔少蝦頭。而且份量都好大，下午茶來講一定夠食！小食椒鹽軟殼蟹嚟到嘅時候非常熱！一定係即炸，而且全部都大大嚿，入面勁多蟹肉，性價比極高！最後就係嘢飲，喺出面餐廳食飯好少會飲到鮮榨果汁，橙汁同埋菠蘿汁入面啖啖果肉，啱晒夏天飲！最後人均百幾蚊但飽到爆！真係幾抵食！
食越南野點可以冇檬粉呢？於是我哋就叫左一個薄燒牛肉撈檬。蝦頭膏做嘅湯都係越南野其中一樣特色，於是我哋就叫咗酸辣蝦頭膏扎肉湯檬粉。小食就叫咗一個椒鹽軟殼蟹！嘢飲我哋就要左兩杯鮮榨果汁，叫咗橙汁同埋菠蘿汁。
先講講個薄燒牛肉撈檬，牛肉個肉質幾嫩，用料都唔差，師傅燒嘅時候亦都冇過火，唔會話燒到成塊牛肉乾咁。佢入面除咗有檬粉之外，仲有啲青瓜絲同埋木瓜絲，為呢碗檬粉帶嚟左清新嘅感覺，夏天食就啱晒啦！
之後就係酸辣蝦頭膏扎肉湯檬粉，蝦非常新鮮，個湯都有好濃嘅蝦膏味，應該用咗唔少蝦頭。而且份量都好大，下午茶來講一定夠食！
小食椒鹽軟殼蟹嚟到嘅時候非常熱！一定係即炸，而且全部都大大嚿，入面勁多蟹肉，性價比極高！
最後就係嘢飲，喺出面餐廳食飯好少會飲到鮮榨果汁，橙汁同埋菠蘿汁入面啖啖果肉，啱晒夏天飲！
最後人均百幾蚊但飽到爆！真係幾抵食！
Post
