Video
Read full review
2018-07-10
56 views
為左感受世界盃氣氛，放工之後約埋女朋友加朋友去左一間地點方便，主打德國肉腸，豬手為主題既德國酒吧。去到門口見到呢間酒吧既裝潢都別出心裁。有簡而精，字體優美既酒類佈板。以磚頭堆砌既外牆富有古代感，跟普遍酒吧設計與眾不同，令我覺得有新鮮感。入到酒吧之後，發現燈光比其他同行較光，呢點我個人十分喜歡，太暗我會有睡意。店內用餐環境衛生都非常高，無煙酒吧，外牆佈置左德國掛畫，木桶，令客人加深印象。因為第一次去正宗既德國酒吧，所以坐底之後有位應該係酒吧既老闆親自招呼我地。雖然老闆既廣東話唔太流利，但係勝在笑容足夠，介紹非常詳細。推薦左不少既德國啤酒，佐酒食物。令我地對德國既品牌，美食有更深一層既認識。由於我地都你係新手喇，以下就係佢推薦既啤酒，食物。Paulaner Weiss Dunkel 我個人偏好飲黑啤，平時飲開都係市面酒吧最常飲到既個隻品牌。呢杯黑啤味道比較醇，聞上去好香既麥味，口感比較滑，就算飲剩少少變左常溫，苦澀味都唔會增加，唔會似飲中藥味。最重要係酒精濃度唔高。好岩想試飲黑啤既朋友，會易入口。比亞荷夫烤腸拼話明主打係肉腸，當然要試下！烤腸拼盤分別以碟呈上，有牛仔腸，煙薰，原味，黑椒。沾
以磚頭堆砌既外牆富有古代感，跟普遍酒吧設計與眾不同，令我覺得有新鮮感。入到酒吧之後，發現燈光比其他同行較光，呢點我個人十分喜歡，太暗我會有睡意。店內用餐環境衛生都非常高，無煙酒吧，外牆佈置左德國掛畫，木桶，令客人加深印象。
因為第一次去正宗既德國酒吧，所以坐底之後有位應該係酒吧既老闆親自招呼我地。雖然老闆既廣東話唔太流利，但係勝在笑容足夠，介紹非常詳細。推薦左不少既德國啤酒，佐酒食物。令我地對德國既品牌，美食有更深一層既認識。由於我地都你係新手喇，以下就係佢推薦既啤酒，食物。
Paulaner Weiss Dunkel 我個人偏好飲黑啤，平時飲開都係市面酒吧最常飲到既個隻品牌。呢杯黑啤味道比較醇，聞上去好香既麥味，口感比較滑，就算飲剩少少變左常溫，苦澀味都唔會增加，唔會似飲中藥味。最重要係酒精濃度唔高。好岩想試飲黑啤既朋友，會易入口。
比亞荷夫烤腸拼話明主打係肉腸，當然要試下！烤腸拼盤分別以碟呈上，有牛仔腸，煙薰，原味，黑椒。沾醬方面有芥末醬，酸忌廉醬，但我個人都係中意原味，決定先唔沾任何醬。肉腸款式多，但各有特色！我對牛仔腸，黑椒肉腸極為喜歡。牛仔腸因為沒有加入豬血，所以肉色偏白，但味道濃郁，帶有平時去食扎肉既味道，腸肉咬口唔會太實，更食到少少蒜香味道。其次就係黑椒肉腸。肉腸有少少爆開，黑椒粒清楚可見，味道雖辣，但非死辣，切開後有見到肉汁流出。味道層次不同，食到黑椒辣味，沾上酸忌廉醬最合適，酸中帶微辣，醒胃。伴碟既自家醃制既蔬菜都值得推薦大家一試。咬口爽脆，酸味足夠，幾分甜味，可以一解飽和感，如份量再多少少就非常完美！
咖哩豬柳中東夾餅 當呈上後我以為係會有一碟咖哩附上，因為外形太似印度烤餅。原來內有乾坤，原來夾餅中混合左豬柳，洋蔥粒，綠豆，芝士，咖哩，再煎香兩面以成！味道方面，一試愛上！一改我對烤餅印象，咬落第一口食到好濃郁咖哩加芝士味，芝士更可以拉絲。豬柳肉粒嫩滑，味道層出不窮，咖哩味道雖濃，但不會搶走其實其他食材味道，夾餅表面雖然經過煎炸處理，但不太油膩！可見酒吧內的食物也相當出色。值得一提夾餅附送一小碟凍咖哩芝士醬，點落去味道唔會有喧賓奪主，非常夾。一凍一熱既感覺都幾刺激！
燒汁烤松露肉丸 肉丸平時食得傢俬個間就食得多，手工肉丸就未食過，所以都充滿期待。上菜後果然冇失望，比我預期中味道，感都好豐富。首先肉丸形狀大小統一，值得一讚。第二，咬口唔會好似食緊麵粉魚蛋，成粒都係豬肉丸黎，唔太實，肥瘦配合唔錯，食到淡淡松露味道。第三，肉汁方面稠身度岩岩好可以包住肉丸，味道唔太鹹。再加上有巴馬臣芝士，令到個味道更加豐富，飽腹感都比較易感覺到。食左兩三粒都覺得少少飽。整體味道都唔錯！
原隻招牌德國燒豬手 好味既野幾時都係最後先出場，原隻豬手皮跟肉分開，先講豬手肉既部分，唔實肉，肥瘦唔會分離。咬落口味道唔鹹。因為肉預先切好，唔洗自己慢慢拆肉，食既時候唔洗咁辛苦。其次就係佢唔油膩，唔會個木板周圍都係油，證明唔係預先焗定再翻熱。係即叫即整。好有誠意，唔會馬虎。最後，豬皮好脆口，食落口都係唔鹹用左醋同埋鹽迫左水份，所以就算擺左一陣都唔會軟身番，都仲係好脆。果然係招牌菜。
整體而言，環境都幾寧靜，可能個段時間仲未有世界盃賽事關係，最岩朋友聚會。食物都非常高質素，雖然係酒吧，但係都唔輸比餐廳。
同埋成餐飯不時都有文哥親自介紹菜式同埋解答下問題，令到我地食野之餘都學到野，對啤酒既認識都加深。下次都會再去！
Post
