Video
Read full review
2022-05-11
1126 views
餐廳：Séan Café & Lounge (銅鑼灣)地址：銅鑼灣謝斐道535號Tower 535地下1號舖最近知道銅鑼灣呢間打卡人氣黃店Cafe Séan Café & Lounge @seancafehk 出咗全新嘅晚餐Menu💛，所以晚市堂食開放後決定第三次造訪呢間靚靚Cafe，除咗休息一吓之餘亦借個機會打卡同食好西📸，最重要緊喺探吓老朋友啦😌Dinner Set價錢屬中價位，由$168至$268不等，有意粉、燴飯、豬眼同肉眼扒，另外包餐湯/煙三文魚慕絲窩夫/凱撒沙律三揀一，仲有一杯飲品☕️；唔想叫Set嘅人亦可以散叫A La Carte Menu嘅食物，小食🍟、漢堡🍔、Pizza🍕、All Day Breakfast等應有盡有，當然唔少得嚟Sean Cafe必叫嘅靚爆打卡甜品啦😍先嚟嘅前菜已經夠晒吸睛🤩，煙三文魚慕絲窩夫整成迷你雪糕筒形狀🍦，食落有慕絲嘅口感，充滿陣陣煙三文魚香，咁樣仲唔喺打卡滿分😆？✝️黑松露忌廉煙肉帶子野菌燴飯 $188將煙肉煎香再包住煎過嘅帶子，整成串燒三兄弟放喺飯嘅中間，未食都已經夠晒吸引，帶子仲要大粒得嚟爽口彈牙，同煙肉形成口感上嘅強烈對比😋；黑松露忌廉野
地址：銅鑼灣謝斐道535號Tower 535地下1號舖
最近知道銅鑼灣呢間打卡人氣黃店Cafe Séan Café & Lounge @seancafehk 出咗全新嘅晚餐Menu💛，所以晚市堂食開放後決定第三次造訪呢間靚靚Cafe，除咗休息一吓之餘亦借個機會打卡同食好西📸，最重要緊喺探吓老朋友啦😌
Dinner Set價錢屬中價位，由$168至$268不等，有意粉、燴飯、豬眼同肉眼扒，
另外包餐湯/煙三文魚慕絲窩夫/凱撒沙律三揀一，仲有一杯飲品☕️；唔想叫Set嘅人亦可以散叫A La Carte Menu嘅食物，小食🍟、漢堡🍔、Pizza🍕、All Day Breakfast等應有盡有，當然唔少得嚟Sean Cafe必叫嘅靚爆打卡甜品啦😍
先嚟嘅前菜已經夠晒吸睛🤩，煙三文魚慕絲窩夫整成迷你雪糕筒形狀🍦，食落有慕絲嘅口感，充滿陣陣煙三文魚香，咁樣仲唔喺打卡滿分😆？
✝️黑松露忌廉煙肉帶子野菌燴飯 $188
將煙肉煎香再包住煎過嘅帶子，整成串燒三兄弟放喺飯嘅中間，未食都已經夠晒吸引，帶子仲要大粒得嚟爽口彈牙，同煙肉形成口感上嘅強烈對比😋；
黑松露忌廉野菌飯都幾足料，黑松露、忌廉、野菌香balance得幾好，香濃而唔膩，每啖都食到粒粒野菌🍄
✝️香煎日本水治Yamato黑豚豬鞍架配無花果、雜菜 $228
又稱為日本大和豚嘅水治Yamato黑豚豬鞍架連續多年獲得國際飲食評級機構ITQI評價3星級嘅高度評分，喺世界公認嘅豬豚肉🐖，以活性水同日本粟米餵飼💦，無激素之餘肉質鬆軟，食落豚肉香濃唔會有豬羶味，脂肪同肉比例均勻，
香煎過厚有焦脆口感，配上無花果、紅蘿蔔🥕、薯仔等雜菜🥔。豬鞍架絕對值得一試，唯獨啲雜菜就比較dry同唔夠腍，稍微調味一吓就會更襯托出豬鞍架嘅色香味😙
✝️黑森林梳乎厘班戟 $108
梳乎厘班戟可以話喺Sean Cafe嘅招牌甜品🥰，一拎到嚟就已經好邪惡誘人😈，三大舊即叫即整嘅蛋香濃郁、軟綿綿梳乎厘班戟，
配上豐富嘅朱古力、曲奇、可可碎，加上朱古力雪糕同朱古力醬、Nutella一齊食，連埋忌廉嘅滑溜，除咗打卡無敵之外食完第一啖就停唔到口😜
佢哋嘅飲品同樣夠晒精緻，睇吓呢杯朱古力咖啡沙冰($56)同Caffe Latta($48)，
唔叫返杯嚟影吓相同品嚐吓真喺對唔住自己呢☕️
Post
