一方堂居酒屋

Open Now

Now Closed

假日出尖沙咀做完Facial, join埋丫妹食dinner。揀咗厚福街一間樓上餐廳---一方堂居酒屋。餐廳面積不大, 踏入一眼望哂, 地方乾淨企理。主打刺身、壽司、串燒, 而主食款式相對較少。揀咗三款刺身, 每款刺身均為厚切,深海池魚: 質感超爽滑, 有鮮魚香。三文魚: 厚切滿足口感, 魚質偏林。帆立貝: 味道鮮甜, 厚切能滿足口感。三文魚芝士卷: 飯卷包住了cream cheese同埋少少菠菜, 三文魚放面, on top加上了食用花瓣同埋黑松露點驟, 整個入口一咬, cream cheese味道較為突出, 再食到三文魚淡淡魚香同埋微微黑松露香味。川海老唐揚: 海老size比預期中細隻很多, 炸得酥脆, 有少少鹹味, 細味食到甘香蝦膏, 點沙律醬食, 味道更提升。露筍豚肉串: 豚肉緊密包住了幾條幼身露筍, 清甜露筍多汁, balance了表面豚肉嘅膩。日式炒雜菜: 椰菜、菇粒炒埋一碟, 加咗木耳絲, 椰菜甘甘地, 整體水份多, 唔會太乾。北海道豚肉炒麵: 炒麵濕炒較為林身, 配上豚肉片同埋椰菜, 幾有層次。