Video
Read full review
2009-05-18
254 views
另一餐嘅媽媽節，揀咗去呢間八月花的姐妹店，位於海港城的八月居，新派中菜格局。母親節期間食飯要落訂$500留位，要分兩輪時段，而且係主打套餐，a la carte嘅菜式會有限制，不過去到發覺都唔會太少菜式比你選擇，不過就冇咗平時主餐牌提供嘅中西fusion菜式。1. 前菜 - 鹹脆花生、青瓜、硬豆腐，酸瓜呢樣真係頂唔順，好鹹，結果冇人食剩返哂。2. 脆脆BB豬 crispy barbecued suckling pig - 肥瘦啱啱好，層皮脆到不得了，最重要係肥瘦比例，唔會厚厚嘅一層脂肪，而且肉唔會過鹹仲要非常嫰滑，份量亦都啱啱好，每人只得一舊，伴菜係配咗沙律，中西合壁。3. 柑桔窩巴銀雪魚 deep fried white cod with kumquat on crispy rice - 嫰滑嘅銀雪魚肉，外表用一層薄薄嘅脆粉槳包住，上面搽上用柑桔做嘅果醬再加有柑桔絲，好似食緊西式早餐用嘅果占咁，下面再有脆脆窩巴，又美觀，又可口。4. 花膠瑤柱翡翠蔬 seasonal vegetable with shredded fish maw and conpoy in chicken brot
1. 前菜 - 鹹脆花生、青瓜、硬豆腐，酸瓜呢樣真係頂唔順，好鹹，結果冇人食剩返哂。
2. 脆脆BB豬 crispy barbecued suckling pig - 肥瘦啱啱好，層皮脆到不得了，最重要係肥瘦比例，唔會厚厚嘅一層脂肪，而且肉唔會過鹹仲要非常嫰滑，份量亦都啱啱好，每人只得一舊，伴菜係配咗沙律，中西合壁。
3. 柑桔窩巴銀雪魚 deep fried white cod with kumquat on crispy rice - 嫰滑嘅銀雪魚肉，外表用一層薄薄嘅脆粉槳包住，上面搽上用柑桔做嘅果醬再加有柑桔絲，好似食緊西式早餐用嘅果占咁，下面再有脆脆窩巴，又美觀，又可口。
4. 花膠瑤柱翡翠蔬 seasonal vegetable with shredded fish maw and conpoy in chicken broth - 菜心唔算極之嫰滑，但係算中上嘅，上湯底浸菜唔會令你覺得肥膩，但係將花膠同瑤柱就冇乜口感可言，而且食落口感覺唔到佢地嘅香味，失分。
5. 拔絲咕嚕肉 sweet and sour pork coated with crispy honey - 拔絲就冇，不過個醬汁份量洽到好處，啱啱上滿所有肉，碟底唔見有多餘的，師傅功架可想而知，不過醬汁調較略嫌唔夠酸且唔夠甜，總之一句，唔夠濃，唔夠惹味 ; 再者，舊肉雖然上嘅粉夠薄，但係肉唔知係咪太健康，一啲肥肉都冇，咁樣會欠缺肥肉帶出的甘香味。
6. 火燄威士忌栗子紅棗燴牛仔膝 flaming veal shank with chestnut and red date in whisky tomato sauce - 全晚最好味嘅一道菜，上枱時侍應幫我地用刀叉分開呢個牛仔膝，所以依家見到嘅係啲肉喺哂汁入面，而淨返一條骨企喺度，個汁真係搞得非常好，西式煮法用燒過嘅酒，以生洋蔥同西蘭花作伴菜，牛仔肉質地好似瘦肉咁，超淋超嫰滑，加埋有酒香煮嘅汁，撈飯一流。
Comments: 以今晚嘅款式，同一般美心中菜冇分別，要試佢地中西合壁嘅fusion菜，相信要平日去至有機會品嚐了。
Post
