鍾菜 (Closed)

同長輩係赤柱行完山，陪佢地去飲茶。赤柱選擇都無咩，於是去左廣場入面既鐘菜飲茶。坐得舒服，又可以睇下海景休息下，最欣賞就係台隔離有個自動加水，嘆茶唔使下下叫阿姐加水。野食都幾有創意，特別係招牌既冰鎮姑老肉。墊底下既冰令肉外面既脆皮包漿更脆，不過缺點就係如果唔一上菜就食曬，d肉好快就會凍，而凍左既肉真係唔好食。至於點心方面，同一般酒樓食既款式差別唔大，味道都唔錯，選擇都多既。最後埋單人均百幾，都算抵食。