Video
Read full review
2022-03-18
56 views
______________________________喺斜路望到霓虹燈招牌寫住「何蘭正」已經深深被吸引，諧音聽落好似一個廣東話粗口咁🤪點知搭𨋢嘅位置見到一個剪髮嘅燈，估唔到餐廳都咁搞鬼💈🧹咁有新意，連食嘅野都好有創意好新奇😂好值得去試！員工好友善，會介紹食物又熱情❤️🔥餐牌同樣搞鬼～室內裝修好新潮好chill令人真係有種想放鬆飲野嘅心情🤍🦁ოᎥᏕᏕ լᎥԾภภ💈💈評分： 8.3/10 香煎澳洲牛臉肉金菇菜沙爹醬漢堡包配薯條😋呢個好出色，你唔會相信金菇可以用黎做漢堡包代替蔬菜，加埋沙爹醬，好似變左沙嗲牛肉金菇肥卷加個包😂😂食材新鮮，牛臉肉煮得啱啱好，薯條都好好食，好脆調味又唔單調😍成件事好夾又好有新意，勁！而且賣相都相當特別😜24小時慢烤伊比利亞叉燒豬油撈飯配日本溫泉蛋😋望落平平無奇，其實內有乾坤😍叉燒超厚超大塊，半肥瘦，配埋豬油，好香，撈飯雖然有滿滿罪惡感但唔食對唔住自己🤣加埋流心溫泉蛋同韓國紫菜，飯就唔會乾仲有多種複雜嘅味道！正！鹹梅西瓜沙冰西瓜汁打成沙冰，好解渴，加埋鹹鹹地嘅話梅，好傳統嘅味道但配落西瓜到又好夾👍🏻雲呢拿棕樹糖冰咖啡呢杯都係重點推介😍賣相好吸引，上菜時係視覺享
______________________________
喺斜路望到霓虹燈招牌寫住「何蘭正」已經深深被吸引，諧音聽落好似一個廣東話粗口咁🤪點知搭𨋢嘅位置見到一個剪髮嘅燈，估唔到餐廳都咁搞鬼💈🧹咁有新意，連食嘅野都好有創意好新奇😂好值得去試！員工好友善，會介紹食物又熱情❤️🔥餐牌同樣搞鬼～室內裝修好新潮好chill令人真係有種想放鬆飲野嘅心情🤍
🦁ოᎥᏕᏕ լᎥԾภภ💈💈評分： 8.3/10
香煎澳洲牛臉肉金菇菜沙爹醬漢堡包配薯條😋
呢個好出色，你唔會相信金菇可以用黎做漢堡包代替蔬菜，加埋沙爹醬，好似變左沙嗲牛肉金菇肥卷加個包😂😂食材新鮮，牛臉肉煮得啱啱好，薯條都好好食，好脆調味又唔單調😍成件事好夾又好有新意，勁！而且賣相都相當特別😜
24小時慢烤伊比利亞叉燒豬油撈飯配日本溫泉蛋😋
望落平平無奇，其實內有乾坤😍叉燒超厚超大塊，半肥瘦，配埋豬油，好香，撈飯雖然有滿滿罪惡感但唔食對唔住自己🤣加埋流心溫泉蛋同韓國紫菜，飯就唔會乾仲有多種複雜嘅味道！正！
鹹梅西瓜沙冰
西瓜汁打成沙冰，好解渴，加埋鹹鹹地嘅話梅，好傳統嘅味道但配落西瓜到又好夾👍🏻
雲呢拿棕樹糖冰咖啡
呢杯都係重點推介😍賣相好吸引，上菜時係視覺享受，飲時係味覺享受，店員會拎住一個載有由棕樹糖同咖啡整成嘅冰嘅杯再係面前加入熱奶，等熱奶溶左冰咖啡，冰火交溶嘅口感，好好飲好特別☕️👍🏻
回頭率：88% 好食賣相又有特色！ 高分推薦🦋
餐牌上好多其他食物都好想再試💈🧹🧹
Post
