阿四車仔麵 (Closed)

行過旺角想搵嘢醫下肚，見到間新式車仔麵又幾企理，橫掂都要搵野食就入去試下😅餐牌都幾多選擇，車仔麵麵底都係基本野，汁我就簡咗沙嗲味。配料就見到有唔同價錢選擇，車仔麵既好處就係豐儉由人，由普通腸同丸，到特色d既炸墨魚卷同溏心蛋，就咁簡餸都心大心細。見到有其他人推介個溏心蛋都叫左一隻試下。果然隻蛋係有驚喜，佢唔止係流心，仲好重花雕酒味，似係醉雞入面既蛋，雖然個樣唔係好靚仔，不過味道補返數，值得試下。其他配料就不過不失。如果係附近行開街想搵野食，呢間都係快靚正既選擇👍🏻👍🏻