新泰東南亞餐廳 (Closed)

男朋友食過尖沙咀分店話好好食，所以是日放工後，我地去左灣仔分店去試。餐廳好大，枱與枱之間隔得好開，裝修就非常有泰式風格。我地叫左冬蔭海鮮金邊粉同豬肉串燒拼糯米。冬蔭海鮮金邊粉好大碗，一個女仔肯定食唔晒，同人share就最岩。坊間有d冬蔭公唔係偏酸就係偏辣，新泰就岩岩好，香味十足，極之開胃，連唔係好食得辣既我忍唔住係咁飲。海鮮豐富，有蝦、魷魚、青口、蜆等。豬肉串燒拼糯米飯，串燒好好食，好似美珍香d 豬肉乾，附送既汁就太辣，我點左一次就無再點。糯米飯略嫌太硬，唔夠軟糯，有改善既空間。總括黎講，CP值極高！