Video
Read full review
2018-01-08
818 views
今晚翻風都有啲涼意，忽然之間好想食啲暖胃野，諗起今個冬天有樣野想食好耐但一直未食，就係煲仔飯啦!! 咁啱呢間喺慈雲山嘅小店一直都想去試真係perfect池.叫得小店，鋪面當然唔太大，黎到都預左要等位，附近周圍都係食肆, 偏偏得呢間有一堆人排隊，睇黎都無揀錯.我地兩個人等位就唔係好耐，10分鐘左右啦，唔好以為入到鋪就贏左，一入到去就見到大大隻字寫住，繁忙時間煲仔飯要等30分鐘，即刻快快手揀左一個落左單先.最後足足等左45分鐘😩，等到一半我地都唔敢加單嗌第二個飯, 怕佢收鋪都未有得食______________________________🔹芝士煲仔飯 $68 (加蛋另加$5).芝士煲仔飯一聽就知係新式野啦，連食法都有啲唔同，諗到芝士+飯焦呢個組合，身為芝士控，我決定會一會佢.平時啲煲仔飯嚟到都最好冚一冚蓋，煲多啲飯焦出黎，但呢個芝士煲仔飯，店員一上台就叫我地即刻食.煲飯可以揀跟雞肉，餐肉或者牛肉，我地揀左雞肉，加$5可以加窩蛋. 本身煲飯就已經有粟米，煙肉粒係入面，同芝士好夾.原本想加埋臘腸，覺得煲仔飯要有臘腸先似樣，店員都好有堅持咁，話隻味同芝士煲仔飯唔夾，冇得咁樣加。好啦，諗諗下又
真係perfect池
.
叫得小店，鋪面當然唔太大，黎到都預左要等位，附近周圍都係食肆, 偏偏得呢間有一堆人排隊，睇黎都無揀錯
.
我地兩個人等位就唔係好耐，10分鐘左右啦，唔好以為入到鋪就贏左，一入到去就見到大大隻字寫住，繁忙時間煲仔飯要等30分鐘，即刻快快手揀左一個落左單先
.
最後足足等左45分鐘😩，等到一半我地都唔敢加單嗌第二個飯, 怕佢收鋪都未有得食
______________________________
芝士煲仔飯
$73
241 views
1 likes
0 comments
🔹芝士煲仔飯 $68 (加蛋另加$5)
.
芝士煲仔飯一聽就知係新式野啦，連食法都有啲唔同，諗到芝士+飯焦呢個組合，身為芝士控，我決定會一會佢
.
平時啲煲仔飯嚟到都最好冚一冚蓋，煲多啲飯焦出黎，但呢個芝士煲仔飯，店員一上台就叫我地即刻食
.
煲飯可以揀跟雞肉，餐肉或者牛肉，我地揀左雞肉，加$5可以加窩蛋. 本身煲飯就已經有粟米，煙肉粒係入面，同芝士好夾
.
原本想加埋臘腸，覺得煲仔飯要有臘腸先似樣，店員都好有堅持咁，話隻味同芝士煲仔飯唔夾，冇得咁樣加。好啦，諗諗下又真係唔係好夾嘅😂
.
等左咁耐，真係好肚餓啦，佢話食得我地緊係唔等啦!! 個飯一開始撈嘅時候，覺得比較濕身，本身有少少失望，但我當然要繼續努力撈勻，撈完再刮埋啲飯焦出黎啦。😍😍
.
終於食到第一啖啦，好感動，好好食👍🏻，原來啲飯濕濕地超夾，太乾應該反而唔好食。芝士味唔係勁濃，但配住飯焦飯食真係好正，隻蛋建議一定要加，蛋汁+芝士+飯焦，煙肉粒又夠咸香，唔使多解釋啦下話!
.
係幾好食嘅，不過真係唔平，重要排隊再等佢煲個煲仔飯，建議大家想試就要早啲黎啦
Post
