Video
Read full review
2022-02-27
64 views
應該算係新派嘅茶餐廳，所以入邊嘅裝修我覺得都幾靚～ 起碼入邊係幾寬敞，唔會有一種逼夾嘅感覺！ 因為當時其實未諗到食咩好就已經入咗去但係我係諗住叫外賣返屋企😂。職員都幾Nice 同埋唔會好CHUR，仲會問吓我有啲咩想食可以推介我所以最後因為職員推介先至叫咗椰子雞！椰子雞真係冇介紹錯真係好好食😂🤣！☀️ 椰子雞米線呢個真係必叫嘅食物！因為都估唔到又真係幾好食🤣！本身都唔知食咩好，咁就想店員幫手推介下，店員有講話呢個椰子雞係真係最好食最好賣嘅其中一樣，再加上屋企人都冇諗住話想食啲咩都係由我發板所以都冇咩問題。屋企人同我都比較意外嘅係呢個湯底真係超濃郁勁好味😚！啲雞又大嚿又話加埋個湯真係一百分！下次再去嘅話希望都會有呢一個椰子雞因為真係幾好好食🤣🤣！🌙咖哩炸豬焗飯咖哩炸豬焗飯嘅賣相真係幾靚，以外賣嚟講都真係唔錯！就算拎到返屋企個炸豬扒都仲係好脆！ 而呢個焗飯係有得揀㗎咖喱或者係蕃茄，咁我就揀咗咖喱味嘅，咁咖喱汁就係少少辣嘅，所以都可以接受總會有一種越食越開胃嘅感覺😂😂！🌟豬扒煎蛋蔥油撈麵因為又係未諗到食咩好嘅時候咁就睇吓Menu有啲咩推介，咁就見到下午茶餐嘅呢一個就有特別推介。招牌豬扒煎蛋蔥油撈
☀️ 椰子雞米線
呢個真係必叫嘅食物！因為都估唔到又真係幾好食🤣！本身都唔知食咩好，咁就想店員幫手推介下，店員有講話呢個椰子雞係真係最好食最好賣嘅其中一樣，再加上屋企人都冇諗住話想食啲咩都係由我發板所以都冇咩問題。屋企人同我都比較意外嘅係呢個湯底真係超濃郁勁好味😚！啲雞又大嚿又話加埋個湯真係一百分！下次再去嘅話希望都會有呢一個椰子雞因為真係幾好好食🤣🤣！
🌙咖哩炸豬焗飯
咖哩炸豬焗飯嘅賣相真係幾靚，以外賣嚟講都真係唔錯！就算拎到返屋企個炸豬扒都仲係好脆！ 而呢個焗飯係有得揀㗎咖喱或者係蕃茄，咁我就揀咗咖喱味嘅，咁咖喱汁就係少少辣嘅，所以都可以接受總會有一種越食越開胃嘅感覺😂😂！
🌟豬扒煎蛋蔥油撈麵
因為又係未諗到食咩好嘅時候咁就睇吓Menu有啲咩推介，咁就見到下午茶餐嘅呢一個就有特別推介。招牌豬扒煎蛋蔥油撈麵嘅價錢其實都OK因為啲餸都幾度多同埋加上佢招牌應該都唔會差得去邊所以就試吓啦😂！咁其實賣相都OK嘅我覺得，可能堂式嘅話會再靚啲。呢個嘅豬扒嘅做法又同炸豬扒又唔一樣，咁呢塊豬扒真係好易咬開勁淋所以都幾好食，煎蛋仲會有少少嘅留心同埋會有燶邊🤣！本身蔥油就會擺咗喺側邊嘅，所以食嘅話就要自己撈埋一齊啦。不過真係比起就咁食，加埋蔥油撈埋一齊真係好食啲！
☀️炸雞脾+薯條
因為突然間好想食薯條所以就揀咗呢一個，炸雞髀因為一定唔會出事所以叫呢一個都唔會點錯🤣🤣。炸雞髀嘅雞肉都幾滑，會有一種外脆內院嘅感覺！薯條係粗薯條嚟嘅所以我都好鍾意～
🌙凍百香果茶+凍檸茶
百香果茶係店員推介嘅佢話一定要試吓所以就聽店員講，飲落其實都幾好味， 因為都見到有好多百香果喺入邊，見到都係真材實料所以都幾正。 如果大家嚟到呢一間都可以叫呢杯凍嘅百香果茶！ 凍檸茶就唔使點講啦😂😂～
Post
