翠華冰廳 (Closed)

平時都好鐘意食茶餐廳，但都間中會覺得好多茶記都有小小污糟，就算翠華都係。原來荃灣廣場開左間新既翠華，行冰廳路線，作為地膽就去左試下。見到佢menu都唔係平時翠華既menu黎既，價錢比正常翠華平D，係中級茶記價錢。見佢menu上面既野食名都用左D比較新派既表達，同埋有好多hashtag，應該係想吸引多d後生客路。男朋友常餐魔人，都係叫常餐，叫左榨菜肉絲米，配炒滑蛋加火腿多士。男朋友話食得出個榨菜肉絲唔係cheap野黎，同埋一D都唔唔孤寒。你知啦有時有D餐廳常餐上面既餸係得一pat仔，哈哈。滑蛋試左一啖，應該係用泰國蛋整？有小小奶味，幾正。我叫左個極邪惡芝士焗窩蛋肉醬飯，呢個完全係comfort food黎既。芝士份量真係激多，多到不得不得了，岩哂我芝士迷，如果佢有得轉意粉就好了。不過飯都好好味。汁又多，我都食唔哂，分左3份一比男朋友。埋單都係一百蚊多DD，講真我覺得以佢資素性價比算高。重點係，佢好乾淨！可能因為新開啦，但成個門面係比其他茶餐廳乾淨好多，連鎖可能就有呢度好！