飲茶 (Closed)

前日俾女朋友捉左黎呢間食野。小編仲好好奇點解女朋友甘突然🤔，原來呢間係新派飲茶潮點。入面有好多可愛嘅點心造型，少女心十足。椒鹽蟶子 $28一隻 (最少叫4隻)好入味，有鑊氣炒嘅火候好好冇overcook，蟶子好大隻，鮮味十足，香辣可口🤤。睇住流奶$49熱辣辣，流心一湧而出，好好味。濃烈嘅起沙蛋黃味，不會過甜，招牌之作👍🏻。鴿吞鳳梨$49鳥籠住左三隻雀仔，其實係鳳梨酥來的，味道好香口，但略為厚粉，別出心裁嘅擺設真係好得意😝。紅油炒手$69醬汁味道特別，有少少微辣，夠晒惹味，入面仲有好多蝦，好味😋椰子燉雞湯$79清甜，食得出冇加味精。但雞味略為淡。賣相係用椰子🥥原隻上。