Video
Read full review
2023-02-19
44 views
前幾日去旺角買嘢嘅時候見到有間牛肉飯好多人排隊，見平時大路嘢幾間都試過，咁不如就試吓依間，去到門口都見到有一條長龍，不過咁即係應該都實力有返咁上下啦。入座之後，店員安排我坐吧枱位見到食物出上菜嘅流程見到炸嘢都會有一個保暖燈去保暖，確保啲嘢出嚟係熱辣辣，一有嘢食店員就會即刻去送餐，所以所有食物都好夠新鮮。入咗之後就可以掃碼點餐，見到入面主打都係牛肉飯，有燒汁牛肉飯同埋鹽燒牛肉飯，見後者喺出面比較少見，就帶咗一個再加餃子三隻，另外就再加埋燒牛肉試吓兩款有咩分別。等咗一陣就已經上菜，見到餃子都係煎得非常金黃，唔會話太燶同埋刮到個口，亦都好夠熱，咬落去都勁食到好多係肉，唔會話太多係菜，啱晒食肉獸嘅我。餃子皮薄餡多，唔會覺得好肥膩。見到鹽燒牛肉都會有一啲汁，食落去雖然冇平時咁重味，但係就可以慢慢帶出本身肉類嘅鮮甜，配上生洋蔥食口感更加鮮明。飯粒亦都係粒粒分明，生熟度啱啱好唔會話偏淋，撈飯就啱啱好，份量亦都好足，足以食到好飽。燒牛肉方面佢嘅醬汁偏為濃味，拎嚟撈飯就最適合，食落去佢係以燒汁嘅惹味吸引我繼續想食落去，而佢嘅洋蔥就係已經會跟住燒汁煮埋落去，所以洋蔥雖然冇生洋蔥爽脆嘅口感，但亦都有燒汁嘅香
入座之後，店員安排我坐吧枱位見到食物出上菜嘅流程見到炸嘢都會有一個保暖燈去保暖，確保啲嘢出嚟係熱辣辣，一有嘢食店員就會即刻去送餐，所以所有食物都好夠新鮮。入咗之後就可以掃碼點餐，見到入面主打都係牛肉飯，有燒汁牛肉飯同埋鹽燒牛肉飯，見後者喺出面比較少見，就帶咗一個再加餃子三隻，另外就再加埋燒牛肉試吓兩款有咩分別。
等咗一陣就已經上菜，見到餃子都係煎得非常金黃，唔會話太燶同埋刮到個口，亦都好夠熱，咬落去都勁食到好多係肉，唔會話太多係菜，啱晒食肉獸嘅我。餃子皮薄餡多，唔會覺得好肥膩。
見到鹽燒牛肉都會有一啲汁，食落去雖然冇平時咁重味，但係就可以慢慢帶出本身肉類嘅鮮甜，配上生洋蔥食口感更加鮮明。飯粒亦都係粒粒分明，生熟度啱啱好唔會話偏淋，撈飯就啱啱好，份量亦都好足，足以食到好飽。燒牛肉方面佢嘅醬汁偏為濃味，拎嚟撈飯就最適合，食落去佢係以燒汁嘅惹味吸引我繼續想食落去，而佢嘅洋蔥就係已經會跟住燒汁煮埋落去，所以洋蔥雖然冇生洋蔥爽脆嘅口感，但亦都有燒汁嘅香味，食落去亦都會有清新嘅感覺。除咗本身兩款牛肉有嘅醬之外，調味料亦都有另一隻醬係酸酸甜甜，可以拎嚟撈飯。
總括而言，呢一間嘅牛肉飯同出面嘅牛肉飯風格雖然有啲唔同，但係都好值得再去試吓，見到隔籬枱嘅鐵板牛肉同埋牛肉蓋飯都好吸引，下次會再嚟試吓。
Post
