一哥點故 (Closed)

銅鑼灣搵食，好多時第一時間諗到去大商場，或者光顧連鎖餐廳。最近就畀我發覺到新嘅用餐聚會好地方，就是時代廣場後面，位於摩利臣山道嘅一哥點故。這裡飲茶食點心，但係就唔老土，餐廳無論係環境食物都走年輕路線。餐廳入面主要係卡位為主，梳化座位舒服。點心選擇多，好有創意，例如安格斯牛肉腸粉，牛味香濃，比一般牛肉腸嘅味道更出。流心奶黃包黑色嘅外表，上面一抹金箔，賣相型格，內裏嘅奶黃流心餡料香濃惹味，咬一口半流質狀態，非常出色。我也喜歡黑松露蝦餃，黑松味濃郁，鮮蝦爽滑彈牙，比一般酒樓，更有誠意更用心製作。