人和月雞煲火鍋店 (Closed)

收工心血來潮想去打邊爐，就捉咗另一半黎陪我，見到成枱嘅食物，真係好療癒，返工嘅煩惱盡消～呢間新開嘅放題火鍋店，之前有朋友食過，大讚食物新鮮，今次我哋特登過嚟呢度覓食。😆一坐低店員就過黎好細心咁，介紹佢哋嘅餐牌。叫我哋先選擇前菜，有麻辣雞煲、水煮魚和酸菜魚，我哋本身都唔太食得辣，佢就介紹我哋食酸菜魚，微辣帶酸度嘅口味，令人越食越開胃，內裏嘅魚片仲非常滑滑添，而且冇骨，好方便食！不得不讚呢度嘅五款牛肉片，仲有好少見嘅牛胸爽，食落有啲似牛筋，薄片又爽口，好有口感，其他牛肉片都怖滿雪花添，而且牛味重，高質！海鮮類仲有蜆、海蝦、鯇魚片、牛柏葉等，各類嘅手打丸和餃類，都係佢哋自家製👍甜品自助區，仲有木桶豆腐花、芋圓、仙草、紅豆、綠豆、芝麻糊等，滿足晒10個願望😍