Video
Read full review
2020-06-13
101 views
.放狗經過開新田購物城，有啲餓就去咗食依間醉辣鮮。雖然呢個購物城出名死氣沉沉，鋪頭無咩點開，但依間餐廳可以座無虛席，連室外位都爆晒棚，所以就決定試下。黎到叫咗個$198既套餐。仲送左個蟲草花蒸雞比我地。$198套餐雖然無龍蝦/蟹，不過都有好多海鮮。首先老火湯好足料，幾好飲，不過咸左少少。之後每人上左一隻溫泉蛋，正正常常。海鮮有元貝，好新鮮好大粒，啖啖肉。鮑魚都彈牙。本地生蠔好大隻，完全唔腥。因為今日賣曬聖子所以就俾咗象拔蚌我哋，其餘貝殼類海鮮有沙白，花甲同埋蜆。時蔬係任食，我地就咩都夾啲，偏好蒸粟米，都算鮮甜。海中蝦嘅肉一啲都唔霉，都幾彈牙，食得出去新鮮嘅。呢到地理位置雖然有啲遠，不過有免費泊車，都值得一去。
放狗經過開新田購物城，有啲餓就去咗食依間醉辣鮮。雖然呢個購物城出名死氣沉沉，鋪頭無咩點開，但依間餐廳可以座無虛席，連室外位都爆晒棚，所以就決定試下。
黎到叫咗個$198既套餐。仲送左個蟲草花蒸雞比我地。$198套餐雖然無龍蝦/蟹，不過都有好多海鮮。
首先老火湯好足料，幾好飲，不過咸左少少。
之後每人上左一隻溫泉蛋，正正常常。
海鮮有元貝，好新鮮好大粒，啖啖肉。鮑魚都彈牙。本地生蠔好大隻，完全唔腥。因為今日賣曬聖子所以就俾咗象拔蚌我哋，其餘貝殼類海鮮有沙白，花甲同埋蜆。
時蔬係任食，我地就咩都夾啲，偏好蒸粟米，都算鮮甜。
海中蝦嘅肉一啲都唔霉，都幾彈牙，食得出去新鮮嘅。
呢到地理位置雖然有啲遠，不過有免費泊車，都值得一去。
Post
