燒烤堂 (Closed)

天氣涼涼地，自不然想起食串燒。屋企附近有呢間燒烤堂，裝修幾懷舊。手寫餐牌：鹽燒牛舌腩（$48）、鹽燒赤雞頸肉（$20）、汁燒赤雞心（$18）、汁燒赤雞肝（$18）：牛舌腩夠厚身，入口好有肉感；日本無激素走地赤雞，幾個部位都可以做串燒，汁燒惹味，鹽燒就更原汁原味。雞皮墨魚滑（$38）：本以為平平無奇的串燒，一咬下去非常有驚喜。雞皮脆身，包住彈牙的墨魚滑，一人食幾串都得。燒蒜蓉茄子（$32）：茄子非常香蒜蓉味，食串燒必點！最後有泰式鹽燒馬友魚（$168），魚肉軟熟，泰式醬汁酸酸地好夾。