薄餅怪獸

Open Now

Now Closed

小店主打既Pizza，批底可選厚批或薄批，有細中大size，值得一提係呢度有個限量供應既心型Pizza，想食就要早D去。除左Pizza，仲有多款意粉、焗飯、沙律、小食，凡惠顧意粉或焗飯，送餐湯一客或熱飲一杯。田園沙律：柚子油醋醬汁，令沙律菜既爽脆口感更突出，新鮮又健康。雞翼：煎到金黃色，雞肉嫩滑，原味都非常好食。美式拼盤：一次過滿足晒四個願望，包括香草腸、薯條、洋蔥圈、魚柳，薯條和洋蔥圈炸到脆卜卜，香草腸和魚柳啖啖肉。怪獸多寶Pizza：餅底每日新鮮手製，現場烤製，薄餅邊位特別鬆脆，配料有洋蔥、青椒、辣肉腸、火腿、蘑菇、菠蘿、牛肉、豬肉，實屬人氣之選。茄汁香濃鮮茄豬柳焗飯：豬柳已幫客人預先切開，再將香草、芝士、火腿、菠蘿、蕃茄、蘑菇，加上濃香蕃茄汁，鋪滿在飯面，滋味在心頭。總結，食物份量十足，街坊價錢，坐得舒服，最啱三五知己嚟，一起享受美好時光。