新釗記

Open Now

Now Closed

見佢新裝修坐滿客人就入去食個早餐，早餐都係一般嘅通粉、公仔麵、火腿雞蛋之類，都係似一般嘅茶餐廳咁上下。杯奶茶就真係唔係好掂，奶太多，而且只係熱熱地，飲落去一啲茶味都無。通心粉都可能係啲質素唔高嘅通心粉，湯底冇乜味，好似好多水溝稀左。隻蛋如果鍾意食燶燶地，你就會好鍾意，我就覺得比較柴和煎得太香。火腿奄列係合格嘅，麥皮都係一般杰撻撻，且仲有啲花奶喺度，感覺上都係想食鮮奶麥皮。麥皮係細細碗的。唯一最有水準嘅就係嗰塊方包，好新鮮軟熟。杯柚子蜜都幾好，好濃郁，可以一杯變兩杯。