Video
Read full review
2015-11-09
392 views
又黎一次週末周圍食的日子，蝦餅近排要返星期六上午，中午例牌出街搵食，今次特意叫蝦餅陪我到尖咀掃街。食肆要數"量多款多"，非厚福街莫屬，走到此處本應試試久違的麻辣燙，誰知蝦餅被一家熱狗店吸引，看看價錢亦很合理，就試試吧 。店舖雖小，但地理位置非常好，位於厚福街內，cotton on 的側門一出就見到，職員(之後看上面電視機畫面知道是老闆)知道我們想落單，都細心講解如何自選熱狗 ，好快就配合老闆的意見下了單。餐單製作簡單易明，分 4 parts, 頭兩項是腸及醬汁，後兩項是另外自選重量級醬及配料。單是腸類已有4種- 芝士腸、紐倫堡腸、法蘭克福腸及墨西哥辣肉腸。醬汁就以蛋黃醬為主打，分別加芝士、日式芥末、丹麥檸檬及韓國柚子做的4款蛋黃醬，更有BBQ醬及香辣蕃茄醬可供選擇，花多眼亂，幸好老闆幫忙配搭，好快就揀好。蝦餅愛芝士，每part有芝士的都會揀，最後topping 選擇炸煙肉。熱狗包- 選用長條白潛艇包一開二做法，並非本土固有大牌子產品，誠意十足，落單後會即場再烘熱麵包，咬邊會鬆脆，咬內軟熟及有陣陣包香芝士腸- 比包更長，視覺上已佔優，入口雖無脆皮腸的爽脆腸衣，但肉汁非常豐富，啖啖肉但並無
又黎一次週末周圍食的日子，蝦餅近排要返星期六上午，中午例牌出街搵食，今次特意叫蝦餅陪我到尖咀掃街。食肆要數"量多款多"，非厚福街莫屬，走到此處本應試試久違的麻辣燙，誰知蝦餅被一家熱狗店吸引，看看價錢亦很合理，就試試吧 。店舖雖小，但地理位置非常好，位於厚福街內，cotton on 的側門一出就見到，職員(之後看上面電視機畫面知道是老闆)知道我們想落單，都細心講解如何自選熱狗 ，好快就配合老闆的意見下了單。
餐單製作簡單易明，分 4 parts, 頭兩項是腸及醬汁，後兩項是另外自選重量級醬及配料。單是腸類已有4種- 芝士腸、紐倫堡腸、法蘭克福腸及墨西哥辣肉腸。醬汁就以蛋黃醬為主打，分別加芝士、日式芥末、丹麥檸檬及韓國柚子做的4款蛋黃醬，更有BBQ醬及香辣蕃茄醬可供選擇，花多眼亂，幸好老闆幫忙配搭，好快就揀好。蝦餅愛芝士，每part有芝士的都會揀，最後topping 選擇炸煙肉。
香濃芝士腸+香草芝士蛋黃醬+熱熔芝士醬+炸煙肉
$47
29 views
0 likes
0 comments
芝士腸- 比包更長，視覺上已佔優，入口雖無脆皮腸的爽脆腸衣，但肉汁非常豐富，啖啖肉但並無過實的韌性，加上不時滲出的芝士，真係好juicy。
熱熔芝士醬 - 老闆用料十足，芝士醬鋪滿熱狗，蝦餅咬開時已有拉絲的效果，芝士味噗鼻，但奈何到我食時已擺放了一陣，效果不再，只得實實的芝士口感，而且應該只用了mozzarella , 芝士味道欠奉，只靠芝士蛋黃醬及芝士腸的芝味搭救，建議可加多一兩類的芝士，令芝士層次更多。
炸煙肉 - 喜出望外的topping, 必食!!!原以為是現成貨，誰知是即炸原片煙肉，入口香脆可口，肉同脂肪比例有8:2，食到煙肉的咸香又不油膩，而且只需加5蚊就食到，誠意之作，性價比特高
紐倫堡腸+丹麥香檸蛋黃醬+白汁雜菌醬+香烤菠蘿
$47
24 views
0 likes
0 comments
香檸蛋黃醬+白汁雜菌醬- 我一向喜愛酸甜味，這醬無奈被雜菌醬比下去，酸味不足，蛋黃醬反而與白汁好夾，清新而少了白汁的膩感。白汁雜菌醬值得推介，白汁雖濃，但雜菌的分量好驚人，完全似加左一份雜菌料，入口啖啖蘑菇，加上香草配襯，吸睛又清香。
香烤菠蘿 - 又一次想推介的item, 我是菠蘿迷，對菠蘿有一份情意結，心想菠蘿多汁，如何加入熱狗但唔會水汪汪？老闆可能洞悉這點-->薄切菠蘿，再烤過去蒸發部分水份，又佈滿腸的兩邊，啖啖都有菠蘿肉，甜度適中，中和了紐倫堡腸油膩的感覺，入口清新自然，一絕！！！
在等的過程才知這間有ICE DOG, 屬於甜品，包面加蜜糖烘烤，中間選用3.6牛奶雪糕，再可另選toppings, 但今次同蝦餅來食午餐，ICE DOG就留待下次再試^_^用小枱食完，本想搵垃圾桶倒垃圾，但職員親切地遞上手接收垃圾，小店的細心好令人窩心 。
Other Info. :
喺Fb like 或用IG follow, 可免費得到一個topping(價值$5)或ICE DOG 2nd件半價
(The above review is the personal opinion of a user which does not represent OpenRice's point of view.)
Post
