龍閣極上火鍋料理 (Closed)

 同我最要好果幾位同事最喜歡去飲茶因為可以叫幾唔同款然後SHARE食，早幾日放工既時候經過見到友誠商業中心上面開左間新店，第二日即刻搵埋同事一齊去試下。一上到去感覺不錯....唔知係咪因為新開既原因...不過真係感覺好舒服、好乾淨。坐低之後我就立即睇點心紙啦，我同事突然睇睇下MENU見到有日本刺身食即刻忍唔住叫左個細試下入左單之後D點心好快就黎啦。－碧綠菜苗餃　　晶瑩剔透、皮薄，夾起又不易爛、足料。－豉汁蒸鳳爪　　每次去飲茶我都必食呢個，而家好多酒樓都做得唔好食，但呢夠味，每隻都大大隻－燒腩仔　　皮脆、肉嫩（正正正）－蟹籽沙律　　超Fresh的感覺，師傅刀工都不錯每條絲的Size都差不多-重頭戲黎啦 刺身拼盤(細) 一開頭都期望唔係好大，因為始終唔係專門日本野，點知好有驚喜刺身超新鮮，每一款都好鮮甜，好後悔叫左細早知咁正叫個大啦。總括黎講都真係幾滿意同埋驚喜，呢間野夜晚有火鍋、小菜、刺身，搵晚再上去試下期他先。雖然價錢不是便宜，但以環境及質素來定的話，算是超值