稻菊日本餐廳 (Closed)

聽講呢到天婦羅好出名，所以就黎試下。雖然餐廳喺酒店入面，但係都算係causal dining嘅餐廳。服務一流，員工樂意解答同介紹餐牌。可能係星期五，所以生意都非常好，員工都好忙，但態度依然好好！我地叫咗一個set再加咗壽司盛，同細嘅天婦羅。前菜，有瑩光魷魚，螺，無花果，生蕃茄，同甜蕃薯呢個係壽司盛。個海膽中拖羅真係好好味！好新鮮！朋友本身唔食海膽，都話好味，好鮮甜！龍蝦刺身，上面嘅金箔，令到成個賣相好高貴！呢個就係天婦羅，有海蝦，蟹拑，南瓜，蕃薯，魷魚，沖繩苦瓜，魚。真係好好味，除咗天婦羅汁，侍應仲俾咗海鹽，咖哩海鹽，同檸檬角我地。天婦羅蝦加小小咖哩海鹽，個味出哂黎！呢個牛肉，點埋個蛋，放入口即溶，真係好想再食！生果盤都好出色，有水晶梨同蜜瓜蜜瓜好Juicy，好甜！價錢雖然有啲貴，但真係物超所值！