上海小聚 (Closed)

難得收早，行過去北角搵埋媽媽去食餃子，地點位置好方便，約媽媽係新光戲院門口等，長輩一定識既地方，轉彎行去後面街就望到上海小聚喇。入到舖面舒服，店員姐姐都好熱情招待。餐牌套餐野食選擇款式多，我地挑選了： 四川香辣紅油 配 雲吞抄手十隻 $60 配前菜有陳醋雲耳配甜品有薑茶芝麻湯圓配飲品+$5有豆漿擔擔麵配三隻煎餃 $62配飲品有+$5 豆漿甜甜辣辣嘅紅油分佈係每一粒雲吞上，雲吞係大大粒脹卜卜飽滿，新鮮手工製作。雲耳帶有微微陳醋味，入口舒服非常開胃。擔擔麵香濃融合花生碎，麵質軟硬度剛好。餃子揀左大白菜， 皮薄餡靚，見住師傅密密包。套餐湯圓有2粒，我地另外再散叫一碗有6粒，滿足了。