Video
Read full review
2021-11-12
16 views
一入餐廳就見到咁舒適既環境，光亮度好舒服😌，如果坐bar台仲照住d新鮮魚生，師傅都好熱心咁介紹是日新鮮既食材。每日都唔同既新鮮食材餐單，店員都有唔少推介！剛剛落完單，店員就上左前菜，柚子汁沙律菜、蜆肉麵豉湯，一暖一冷。沙律新鮮好食，麵豉湯就要特別一提，暖笠笠之餘亦有海鮮鮮味，幾隻細細既蜆肉，夠甜又鮮，好飲！之後黎既係，蟹黃醬蟹膏豆腐，豆腐本身就已經加入蟹膏，味道本來就十分突出。面頭上再加上蟹黃醬，蟹味一流又香口。磯燒北海道珍寶帆立貝，帆立具夠大粒又甜，燒一燒已經好足夠，配上脆卜卜既紫菜一齊食，幾開心～口痕想食多兩舊壽司，就特選炙燒右口魚壽司，右口魚油脂感突出，食落口入口即溶，配上赤醋飯，果然店員冇介紹錯。主角黎啦，同店名一樣叫夢之丼，有海膽、牡丹蝦、蟹肉、三文魚子、吞拿魚茸等。每樣都大件鮮甜，絕對係大大大滿足。食之前店員仲特別提我地可以先用橙醋清一清口腔，果然係著重每個小節既日式小店👍🏻👍🏻👍🏻大大力讚。第2位主角就係花錦魚生丼，類似角切魚生飯。最最最大分別係果隻日本生雞黃，撈埋飯一齊食真係提升幾個層次，赤醋飯、魚生粒、日本蛋黃十分之夾，必叫之選！最後見各種食物都高質，忍唔住再叫多2隻
一入餐廳就見到咁舒適既環境，光亮度好舒服😌，如果坐bar台仲照住d新鮮魚生，師傅都好熱心咁介紹是日新鮮既食材。
每日都唔同既新鮮食材餐單，店員都有唔少推介！
剛剛落完單，店員就上左前菜，柚子汁沙律菜、蜆肉麵豉湯，一暖一冷。沙律新鮮好食，麵豉湯就要特別一提，暖笠笠之餘亦有海鮮鮮味，幾隻細細既蜆肉，夠甜又鮮，好飲！
之後黎既係，蟹黃醬蟹膏豆腐，豆腐本身就已經加入蟹膏，味道本來就十分突出。面頭上再加上蟹黃醬，蟹味一流又香口。
磯燒北海道珍寶帆立貝，帆立具夠大粒又甜，燒一燒已經好足夠，配上脆卜卜既紫菜一齊食，幾開心～
口痕想食多兩舊壽司，就特選炙燒右口魚壽司，右口魚油脂感突出，食落口入口即溶，配上赤醋飯，果然店員冇介紹錯。
主角黎啦，同店名一樣叫夢之丼，有海膽、牡丹蝦、蟹肉、三文魚子、吞拿魚茸等。每樣都大件鮮甜，絕對係大大大滿足。食之前店員仲特別提我地可以先用橙醋清一清口腔，果然係著重每個小節既日式小店👍🏻👍🏻👍🏻大大力讚。
第2位主角就係花錦魚生丼，類似角切魚生飯。最最最大分別係果隻日本生雞黃，撈埋飯一齊食真係提升幾個層次，赤醋飯、魚生粒、日本蛋黃十分之夾，必叫之選！
最後見各種食物都高質，忍唔住再叫多2隻法國蠔同貝類作結，蠔味足夠，海水味十足👍🏻。貝類爽口，完美結尾。
Post
