麻市滋味館 (Closed)

搵地方同朋友食生日飯，見呢度既食評海鮮新鮮又明碼實價，就去左試試勒。叫左個孖寶$168有乳鴿同黃金蝦,兩個人食岩曬啦。乳鴿炸得金黃，脆皮，肉質新鮮，配汽水一流。黃金蝦每隻蝦都被咸蛋黃包住，落足料好香口，蝦亦非常新鮮，好味。小炒王$88有腰果，魷魚，蝦干，魚仔，菜浦炒韮菜花，腰果脆口，魷魚蝦干鮮味。如果韮菜花再嫩d就更正。最尾老闆仲送左兩碗蕃薯糖水俾我地食,唔好以為送既無好野, 個糖水好重薑味，蕃薯好軟綿綿，又甜。為呢餐畫上完美既句號。