Video
Read full review
2018-02-27
438 views
‼️IG有製作影片睇 ‼️新年去左觀塘拜年, 梗係要順便搵食喇! 估唔到恆發雞蛋仔有開, 不過新年全部食品要加$1.咁人地新年都唔放假開門喇, 呢$1抵比!.叫得恆發雞蛋仔最出名就梗係雞蛋仔, 佢出名雞蛋仔會加入新鮮配料, 例如鮮紫薯蓉, 鮮南瓜蓉, 鮮芋頭泥, 鮮紅豆蓉, 芝麻呀個D, 當然仲有我最中意既特濃芝士喇!!仲講到明唔會為左個樣靚仔D而加人造色素, 夠哂健康. 不過呢個都唔係我最關心, 最緊要就係好食 XDD______________________🔹芋頭泥夾心雞蛋仔 $23 (新年加$1) = $24雖然呢個係正常menu出現, 但其實芋頭泥係❄️❄️冬日限定, 由於唔知下次再黎係幾時, 梗係食左個限定版先喇!.去個日都幾多人排隊, 好似有4,5個係我前面, 由於每份都係即叫即整, 而且佢得店主一個人做哂既關係, 最後等左15分鐘左右先到我既.望住店主整我個底時大大pad芋泥撻落去, 我心入面得一個字: 爽!拎上手熱辣辣之餘仲好鬼重秤, 真係好足料!!.快快手影完相之後, 食落都仲係熱♨️既, 新鮮整係唔同D! 雞蛋仔粒粒都好外脆內軟, 同埋同坊間既空心雞蛋仔唔一樣, 得個好脆既
‼️IG有製作影片睇 ‼️新年去左觀塘拜年, 梗係要順便搵食喇!
估唔到恆發雞蛋仔有開, 不過新年全部食品要加$1.咁人地新年都唔放假開門喇, 呢$1抵比!
.
叫得恆發雞蛋仔最出名就梗係雞蛋仔, 佢出名雞蛋仔會加入新鮮配料, 例如鮮紫薯蓉, 鮮南瓜蓉, 鮮芋頭泥, 鮮紅豆蓉, 芝麻呀個D, 當然仲有我最中意既特濃芝士喇!!
仲講到明唔會為左個樣靚仔D而加人造色素, 夠哂健康. 不過呢個都唔係我最關心, 最緊要就係好食 XDD
______________________
🔹芋頭泥夾心雞蛋仔 $23 (新年加$1) = $24
雖然呢個係正常menu出現, 但其實芋頭泥係❄️❄️冬日限定, 由於唔知下次再黎係幾時, 梗係食左個限定版先喇!
.
去個日都幾多人排隊, 好似有4,5個係我前面, 由於每份都係即叫即整, 而且佢得店主一個人做哂既關係, 最後等左15分鐘左右先到我既
.
望住店主整我個底時大大pad芋泥撻落去, 我心入面得一個字: 爽!拎上手熱辣辣之餘仲好鬼重秤, 真係好足料!!
.
快快手影完相之後, 食落都仲係熱♨️既, 新鮮整係唔同D! 雞蛋仔粒粒都好外脆內軟, 同埋同坊間既空心雞蛋仔唔一樣, 得個好脆既穀就什麼也沒有, 佢呢個咬到入面有少少似雞蛋糕既感覺!!芋泥既比例大約係每粒既二分之一, 不過佢既味唔係好搶, 食得出無咩加到糖或者其他調味, 就係食到單純既新鮮芋泥, 中間仲會有細細粒粉粉地既芋頭粒, 好天然好好食!
.
成個食哂, 都唔會覺得好甜好膩, 雖然唔係好食到尖叫個種, 但作為芋泥愛好者表示已經好滿足!
——————————
話說其實有段小插曲, 我心急想快D拎到雞蛋仔影相, 連錢都唔記得比, 就閃埋左一邊, 影完先發現自己手上面有錢!! 即刻走去比喇, 點知老闆話見到我係度影相, 廢事打擾我>< 超好人呀!
Post
