喜點.鮮鍋粥底火鍋點心專門店 (Closed)

隨意搵到這間火鍋店，見佢今期有個海鮮套餐好正咁，放左工就同朋友黎左開餐。今次黎就係想食哩個餐，$298一位，亮點係食龍蝦同鮑魚呀！仲有多款配料無張追加。竹蔗水同豆漿免費任飲，餐廳自家製的，我拎左瓶竹蔗水飲。哇！上枱時鮑魚識郁嫁，超新鮮，仲有扇貝、蜆、蝦，龍蝦，見到龍蝦d膏都流晒口水。除左海鮮，套餐仲有包安格斯牛頸脊，哩個同海鮮係冇得追加，丸同餃類。我地係食晒哩d野唔夠先追加野，要惜食！鍋底揀左椰子雞鍋，真係真材實料有椰子同新鮮雞自己落去鍋，啖湯好鮮甜。落料之前飲左啖湯先，奶白色雞湯，清清甜甜。蝦眼仔突突幾新鮮～每人有大半隻龍蝦食到，岩岩熟肉質爽口，好正！其實套餐包既野咁多食完都幾飽，我地追加左生菜、粟米等蔬菜，咁就食飽飽lu。