有蒸氣 海鮮石鍋專門店 (Closed)

老婆話想減肥，要食清啲，又要有足夠蛋白質，佢同事介紹去食蒸氣粥底石鍋，主要係食海鮮，健康D。佢最平嗰個套餐都要$328位，點完餐之後店員就將咪雞件同埋腐竹黃豆放喺煲底。老婆去到見到佢有個黑松露燉蛋又要加$28 ，見佢咁出名就試吓啦。佢所有嘢都係即刻起我哋面前個蒸籠度蒸。兩碗蒸水蛋就擺喺我哋面前大約幾分鐘後店員就幫我地攞出嚟又真係整得幾靚幾滑，小小嘅黑松露味道帶香咗佢加D豉油咁就ok啦。佢有基本醬料包括豉油蒜蓉蔥花辣椒同埋干蒜跟住店員就幫我地整沙包蜆同埋鮑魚啦，蜆每人有兩粒，都幾大粒。個鮑魚就細細隻上邊仲界咗花，放咗少少蟲草花一齊蒸，沙包蜆味道鮮有啲海水味，個鮑魚就整得啱啱好。跟住就係海中蝦同埋日本元貝，海蝦比起平時白灼嘅好食好多，日本元貝好大粒但係就似乎蒸耐左少少美國筒蠔大大隻放起個蒸架上邊佢嘅汁就流晒落去個粥度。豬肉丸同墨魚丸要蒸得比較耐，墨魚丸好彈牙。每樣得一粒有少少唔夠喉薑蔥蒸鮮魷同埋勝瓜，味道比較清淡勝瓜都幾鮮甜最後就係期待左咁耐嘅粥底啦，有生米開始要煮成嘅粥味道清淡得來有啲鮮味。整體份量唔多但係都幾好食。最後佢哋仲送咗碗綠豆沙俾我哋食。