JUICY Fresh Juice Bar (Closed)

知香港站開左間韓國果汁店「JUICY Fresh Juice Bar」，選擇都唔少啊，淨果汁、果汁奶、拿鐵都有，外賣店都有張長枱可以俾客人立食幾好喎🙂。當日現場仲有得試食蜜瓜奶🤩。蜜瓜汁(XL)($42)••••••話說試飲完真係好正，即刻叫返杯淨蜜瓜汁，好大杯咁嘅價錢都ok，好重瓜味🤤，香甜得幾自然，唔死甜唔似落糖水，眼見到嘅沉澱物正正係用料實在嘅證明，有沉澱說明果汁入面含有嘅果肉和纖維素被原封不動地保留，蜜瓜汁營養爆燈冰涼好飲🥰。牛油果香蕉奶(XL)($46)••••••又一杯青色嘅飲品🤣香蕉味又濃又香，配鮮奶又滑又夾，絕對係perfect match！牛油果本身就唔搶味，無乜突出嘅香氣，所以無乜存在感🤐。熱狗(+$10)辣肉腸/芝士腸••••••店員好好，幫手切半❤️驚喜喎！首先好抵先啦🤣估唔到腸同包都好高質，好大個，食完飽飽好滿足😚。辣肉腸肉味香濃，咬落去有肉感，唔係肥肉腸，辣勁明顯但可接受😋芝士腸極juicy！咬開爆肉汁，有淡淡芝士香，好耐無係街食過咁正嘅熱狗腸🤤。包體好鬆軟，但唔空氣感，味道屬於偏甜，非常唔錯，仲一路食一路跌芝麻添🤣。