漁樂 (Closed)

長洲入過好多次，次次都係去食魚蛋。呢次見到新開嘅漁樂，主打炸海鮮，老闆係長洲人，佢話材料係由從漁民直接入貨，所以menu日日都可能唔一樣。當日賣嘅係兩款炸魚同埋炸鮮魷，仲有魚湯。叫咗炸鮮魷同個湯，炸得係幾好食，好食過喺餐廳食，個湯都幾濃，足夠兩個人飲，但係都幾熱，要慢慢飲。食完忍唔住叫多份炸池魚，都係好食，外脆內嫩滑，不過一個人食晒都幾熱氣，最好兩三個人分。下次入長洲應該會再食炸鮮魷，如果天氣凍啲就一定會飲埋個魚湯。