噹噹冰室

Open Now

Now Closed

今日經過屯門碼頭呢間新開嘅茶餐廳，見到好多後生仔女喺入面食就入咗嚟試下啦！裝修乾淨企理帶有香港風情，老闆介紹佢哋嘅牛扒係新鮮貨，就等我試吓咩料先！嘩，多士嘅牛油非常豐富，絕無偷工減料！牛扒可以揀黑椒汁，洋蔥汁，或茄汁！我揀咗黑椒汁，但係一睇塊牛扒就知道充滿肉汁，根本唔需要加其他香料已經好好食！食落又真係新鮮貨，冇雪藏味，冇肉鬆粉，口感軟熟！配料方面，餐肉同火腿都煎得好香！塊多士睇個面都知外脆內軟！奶茶值得推介！係煉奶係煉奶啊！奶茶加咗煉奶，奶味茶味，比例完美！我10分欣賞注重細節的餐廳，把每一個細節都做好才有美味的佳餚。