Video
Read full review
2020-12-18
780 views
由宣布晚市禁堂食開始到依家都差唔多十日。禁堂食除左代表夜晚唔可以出街食之外，更加代表左我會洗少左錢，姐係儲多左錢。今朝上完堂之後，終於可以放返兩三個禮拜嘅假。都超過半年未試過放咁耐假，為左慶祝呢個久違嘅長假期，今日落堂之後就同左同學去左銅鑼灣呢間磯野水產食豪啲，食餐正嘅lunch慶祝下。（其實都係因為見呢到呢排12-6pm主餐牌有七折，難得有日下午得閒就去食。）餐牌寫住「用餐時，會送上收費鮮菜沙律為前菜，如不需要，請向本店職員提出，多謝」問左店員呢個沙律係咩黎，原來好似好特別咁，仲要只係$34，既然今日決定左要食豪啲，咁就唔好慳嗰$34啦，照要！🥗野菜條沙律伴鯷魚醬 $34有紅蘿蔔、白蘿蔔同埋青瓜各幾條。有個爐一路熱住啲鯷魚醬，個醬好濃。將啲野菜條點落啲鯷魚醬到食，都幾特別幾好食。只係$34炸，好彩有加。🦞磯野龍蝦海鮮盛合 $1398七折之後呢個餐一千蚊有找！兩個人食夠食架啦。呢個餐有一隻活龍蝦、兩隻活帆立貝、兩隻活蟶子、兩隻活處女北寄貝、兩隻赤蝦同埋一條鮮魷魚。不過今日蟶子轉左做生蠔，北寄貝轉左做刀貝。全部食材都有得揀要刺身定係浜燒，魷魚同赤蝦仲可以揀要天婦羅添。🦐赤蝦同其中一隻帆立
今朝上完堂之後，終於可以放返兩三個禮拜嘅假。都超過半年未試過放咁耐假，為左慶祝呢個久違嘅長假期，今日落堂之後就同左同學去左銅鑼灣呢間磯野水產食豪啲，食餐正嘅lunch慶祝下。（其實都係因為見呢到呢排12-6pm主餐牌有七折，難得有日下午得閒就去食。）
餐牌寫住「用餐時，會送上收費鮮菜沙律為前菜，如不需要，請向本店職員提出，多謝」問左店員呢個沙律係咩黎，原來好似好特別咁，仲要只係$34，既然今日決定左要食豪啲，咁就唔好慳嗰$34啦，照要！
🥗野菜條沙律伴鯷魚醬 $34
有紅蘿蔔、白蘿蔔同埋青瓜各幾條。有個爐一路熱住啲鯷魚醬，個醬好濃。將啲野菜條點落啲鯷魚醬到食，都幾特別幾好食。只係$34炸，好彩有加。
🦞磯野龍蝦海鮮盛合 $1398
七折之後呢個餐一千蚊有找！兩個人食夠食架啦。呢個餐有一隻活龍蝦、兩隻活帆立貝、兩隻活蟶子、兩隻活處女北寄貝、兩隻赤蝦同埋一條鮮魷魚。不過今日蟶子轉左做生蠔，北寄貝轉左做刀貝。全部食材都有得揀要刺身定係浜燒，魷魚同赤蝦仲可以揀要天婦羅添。
磯野龍蝦海鮮盛合
$1398
25 views
0 likes
0 comments
🦐赤蝦同其中一隻帆立貝我地揀左刺身。赤蝦同帆立貝都好大隻，同埋好鮮甜，食得出真係好新鮮，唔會腥。
🦑魷魚我地揀左天婦羅，所以有炸魷魚圈食，好彈牙。
🦪生蠔同刀貝都係浜燒，大大隻又有海水味，又鮮甜，都好食。
🐟有一隻帆立貝係黑松露燒嘅，我覺得燒得好香好好食。有好重嘅黑松露味同牛油味，同時又唔會掩蓋左啲帆立貝味。隻帆立貝大隻到切開四份都仲係幾大粒。
🦞活龍蝦一開始未燒之前，有放上檯比我地望一望。嗰陣隻龍蝦好生猛，仲不停咁郁緊，個求生意欲強到我對於自己準備要食佢都覺得有啲內疚。所以我揀左燒呢隻龍蝦黎食，好似燒熟左就會唔記得佢曾經咁生猛嘅一幕咁。
龍蝦大大隻，切開一半咁樣燒熟左。上面滿佈充滿龍蝦味同龍蝦肉嘅醬，再配埋龍蝦味濃郁嘅龍蝦肉食，然後我食得好享受，差啲唔記得自己曾經內疚過咁。
🎣伊佐木刺身（半條）$268
見有七折咁抵，為食嘅我地再叫多左份刺身。呢個刺身同樣係唔腥又鮮甜好食，配上特製嘅酸汁係一流。
食咗差唔多兩個鐘，食得好飽好滿足。
Post
