一碗小麵

Open Now

Now Closed

住紅磡朋友知我鐘意食辣，話屋企附近開左間不錯的四川辣小店，所以今日見過黎探佢，當然要試試。入到去坐位大約二十人左右，一早十一點多已開始坐滿人，好彩今日得自己一個好快就有位坐。睇返餐牌原來材料不少都由山城採購返黎，怪不知佢的辣度會同其他有所分別。今次叫左小食同面和甜品。百多元價錢合理而坐得舒服。辣度今次全部叫了小辣…口水雞$35：以三十多元黎講，份量都多而且雞的質素已不錯而且仲有雞香，辣度吾太辣但好香而濃味。涼伴青瓜$18：青瓜脆口而新鮮，清新味道加上小辣香都幾開胃而份量多。招牌香辣牛肉面$40：黎到沒想到咁大碗，肉正常份量，一口咬落去比心目中淋身，因為都幾厚肉關係仲以為好硬身，好香牛肉香但吾夠辣。玻璃豆花$20：其實係冰粉，類似涼粉質感但清新點加上糖水一起吃就會絕對係你覺得勁辣時解辣最佳選擇。