爽肉餃子專門店

Open Now

Now Closed

本人好鐘意試葵廣新食店，目標係全部都試晒，無奈葵廣嘅餐廳不斷開要我不斷試但坦白講新開嘅未必啱我食，我鐘意食真材實料有心思唔hea同普通嘅，貴平唔太大考慮，咁行過咁啱見到有新食店，但望下係餃子店開頭麻麻因為我覺得我屋企包嘅餃子係最好食，但見佢咁平12蚊5隻又keep住有人排隊本住試新嘢嘅心態我就去試咗，點知我寫呢編食評嘅時候我已經幫襯咗佢3次。白菜韮菜我都試咗，但佢個韮菜真係好好食，韮菜食得出係新鮮一咬落去有韮菜香，豬肉唔多但正正係我杯茶，我鐘意食韮菜嘅甜，仲要係佢皮滑厚度啱啱好，由入面食到出面都食得出佢嘅用心，我未試過寫一編咁長嘅食評因為係發自內心覺得好食，希望佢可以一直係到。個人覺得白菜同蘿蔔一般，希望蘿蔔可以煮耐啲會透啲甜好多。