鮨樂 (奧海城3期) (Closed)

鮨樂最近登陸奧海城新店開張仲有多款食物優惠即刻去左試試.🔸本鮪刺身本鮪刺身富有亮麗嘅光澤，分別有赤身、中拖羅、大拖羅各兩片，油脂嘅分布好完美，紋理亦好靚，食落油脂甘香，鮮味十足，口感亦都好嫩滑，入口即溶。🔸令和の怪物岩蠔岩蠔嘅size非常巨型，有成隻手掌咁大唔怪之得叫做令和の怪物啦。蠔肉非常飽滿肥美，食落味道鮮甜，完全唔腥唔落，非常高質。🔸鹿兒島和牛巨切壽司鹿兒島和牛嘅肉質非常細嫩柔軟，師傅將和牛切成差唔多20cm嘅薄片鋪喺壽司飯上，食落入口即溶，牛味好香濃。🔸蟹味噌甲羅燒甲羅燒嘅蟹膏非常飽滿，真係睇到流哂口水。蟹膏上亦鋪有蟹肉同香蔥，再加埋生鵪鶉蛋一齊燒，食落非常香滑鮮甜。🔸汁燒原隻北寄貝師傳將原隻北寄貝以汁燒型式烹調，加入牛油同醬汁喺小炭爐到燒，北寄貝燒得好入味，食落好鮮香，口感滑溜彈牙，真係無得頂。🔸本鮪拖羅丼師傅選用咗入口即溶嘅大拖羅、味道甘香嘅中拖羅同埋有嚼勁嘅蔥粒吞拿魚腩蓉嚟製作呢個丼，丼飯嘅米粒亦都用咗醋飯，好味到停唔到口。🔸本鮪壽司盛呢個盛合結合咗四款唔同部位嘅拖羅壽司，分別係拖羅蓉卷物、炙燒大拖羅、大拖羅、中拖羅同埋赤身。可以一次過品嗜到每個部位獨特嘅嘅質感同口感，真