大煲皇煮廚 (Closed)

天氣涼左好多，又係食蒸氣鍋既時候，之前同學聚會食過呢間打邊爐覺得食物新鮮又好好味，於是今次都揀反呢度試下佢既蒸氣鍋~價錢$368一位，貴過火鍋少少，因為自選海鮮已經有5款之多，海鮮一向值錢，而且佢地海鮮真係好新鮮，呢個價錢超值~$368包括頭盆一份，貝殼盛盆，龍蝦每人半隻，粥底一份，海鮮5款(份量按人數計)，任食配料約二十款，飲品多款都係住飲~頭盆我地揀左章紅魚刺身，白肉魚本身魚味唔會好濃，但佢鮮味十足，肉質鮮嫩彈牙，本身就咁叫原條章紅魚刺身要$598，呢份份量都好多，真係好抵~美國龍蝦，size唔大隻，勝在肉質彈牙，有膏~貝殼盛盆，味道夠鮮甜，無沙~蒜泥粉絲蒸扇貝，帶子肉厚身，有鮮味，粉絲吸哂蒜香同扇貝汁最正~每人半隻生猛肉蟹，多膏亦多肉，下面墊左糯米飯，蒸好後吸了蟹汁同蟹膏，好好味~每人半隻不夠喉~美國桶蠔，巨無霸size，我本身不太愛吃蠔，蠔控一定好喜歡~龍等魚，同樣加入粉絲齊蒸，魚肉厚身，鮮味彈牙~任食既肥牛係手切牛，牛味濃郁，肥瘦適中，絕非一般放題質素既肥牛，非常驚喜！絕對要encore啊~尾升要食反d菜解下膩~最後好飽啦，但點都要試下馬拉糕同紅早糕~馬拉糕味道好香好鬆軟，紅