Video
Read full review
2018-05-30
6419 views
除左火鍋外，另一樣我最經常食嘅，應該就係燒肉了。不論日式燒、韓式燒，始終都係去連鎖店多，畢竟價錢較相宜。提到韓燒，朋友間多數去某一兩間，反而第一次到訪新麻蒲。新都會分店面積都幾大，平日晚上都幾好生意。一貫韓燒裝潢格局，以卡座為主，闊落舒適。抽風不俗，至少食完都冇一陣燒肉味餐牌除左烤肉，亦有供應其他韓式料理，小食、拌飯、湯品、煎餅等，價格都係同一般連鎖韓國野差不多其實人少少食燒肉有時幾煩惱，想點多啲又怕食唔哂，但叫一兩款肉又好無癮。新麻蒲有套餐，分牛肉、豬肉、牛豬配搭，定價$368-678。點單後，店員就已經好快手上沙律、前菜、包肉生菜、醬油，滿滿一桌。麻醬沙律幾開胃，至於前菜可任添，包括有泡菜、酸蘿蔔、豆芽、白菜等，呢度嘅泡菜較淡，唔會好重口味。食韓國野至少要有咁嘅排場先滿足，店員見我地食完，亦有主動問及需要添加與否另一樣食韓燒最大嘅樂趣就係爐邊蛋喇，蛋漿加有少量泡菜，好快烤好，雖然偏淡，不過蛋皮微脆，一口接一口。此外仲有芝士粟米，不過份量唔多，而且只有頭一輪免費額外添加$28即可任食，相對其他韓燒略為失色啲。牛+豬肉套餐1 $548呢款套餐幾齊全，包括有特級霜降牛肉100g、護心肉1
點單後，店員就已經好快手上沙律、前菜、包肉生菜、醬油，滿滿一桌。麻醬沙律幾開胃，至於前菜可任添，包括有泡菜、酸蘿蔔、豆芽、白菜等，呢度嘅泡菜較淡，唔會好重口味。食韓國野至少要有咁嘅排場先滿足，店員見我地食完，亦有主動問及需要添加與否
另一樣食韓燒最大嘅樂趣就係爐邊蛋喇，蛋漿加有少量泡菜，好快烤好，雖然偏淡，不過蛋皮微脆，一口接一口。
此外仲有芝士粟米，不過份量唔多，而且只有頭一輪免費額外添加$28即可任食，相對其他韓燒略為失色啲。
牛+豬肉套餐1 $548
呢款套餐幾齊全，包括有特級霜降牛肉100g、護心肉120g、秘製牛排骨120g、什錦拼盤 (年糕、蘑菇、香腸、大蝦)、4件火炙霜降牛肉壽司、兩杯非酒精飲品、1份雪花冰、部隊鍋，基本上由前菜到甜品都齊哂，兩個人夠哂飽
霜降牛肉壽司係店員即時喺面前炙烤，幾細心會問及熟成度，並加上芝麻醬，味道唔錯，喺燒肉前先開開胃。
至於其他食物係以層架送上。
先試霜降牛，文案話係由韓國廚師親自挑選嘅A++鮮肉，牛肉四片，色澤紅潤，脂肪唔多，頗有肉味，但可能我地未掌握到時間，烤得略老。
反而對牛排骨更有印象，燒起後剪開再包生菜、醬料食，一流。肉質較鬆軟。至於護心肉亦都幾好食，唔肥膩之餘反而幾爽
拼盤質素中規中矩，純粹平衡滿滿肉感，大蝦兩隻都幾爽彈，但香腸只有一小件；第一次烤年糕，烤起後硬脆乾身，米味頗重。
枱面分兩個爐，一個烤肉，另一邊係煮部隊鍋，幾方便。當兩邊全開後，我地都好忙，不停食食食。
部隊鍋中有牛肉、餐肉、腸、麵、菇，冇花巧，味道亦係正正常常。
甜品方面，豆粉或紅豆豆粉雪花冰二選一，鐘意試其他口味可以加$12轉。我地揀左紅豆豆粉冰，足夠兩人分享，豆粉均勻鋪於牛奶冰上，加入紅豆、年糕，冰磨到好似椰絲咁一粒粒，厚綿而甜度唔會太高，簡單好食
飲品
餐牌：
Post
