串Grill 自助燒烤專門店 (譽發廣場) (Closed)

鍾意燒嘢食，但係呢排天氣真係太焗無乜心情。朋友推介左依間可以好舒服咁燒野食！依到去食串燒，已經串好哂非常衛生乾淨，而且款式仲好齊全，有豬、牛、雞、羊、海鮮、丸、腸、菜，非常豐富，仲要係假日下午任食都係$238個爐好特別，放串野落去就會自動轉圈，所以啲野食可以燒得好均勻，唔使驚有啲地方會燒燶晒！啲食物無特別醃製過，但係就有豉油、柚子醬、泰式醬同孜然粉、胡椒粉、鹽同辣粉比我地自己調節番個人口味，好體貼野飲都係仼飲，除左汽水之外仲有支裝飲品，有凍檸茶、凍檸蜜好特別，試左個凍檸茶幾香茶味又唔太甜依間真係過做串燒癮，食物質素又幾好