Video
Read full review
2021-03-15
623 views
路過油麻地，想食埋lunch先走。想食個簡單快lunch，就黎呢間油麻地既Mamaday Studio。之前黎過一次，呢度只有輕食如簡單Bagels，蛋糕，好多款唔同咖啡，茶同特飲。裝修同其他Mamaday一樣有玩味，呢度係以鬼屋為主題，門口非常突出，係地下收銀買完攞完野食就自己上樓位食。全程都真係好鬼屋feel，如果我一個人夜媽媽黎可能都會驚驚地。呢度好似有三層，二樓環境都唔錯，有一個露台。三樓今日去唔開，得二樓，不過都好靜好夠位坐。今日黎得唔係時候，冇哂蛋糕，貝果圈都係得返一種，有兩隻味，分別係蕃茄乾同藍莓，所以索性兩隻貝果圈味道都試哂。蕃茄乾貝果圈 $38貝果圈即時制作，所以要等12分鐘。超新鮮，果然係熱辣辣出爐。貝果圈質感係外脆內超煙韌，好有咬口，齋食一定會乾，所以要揸忌廉。忌廉好滑，我全部食晒。藍莓貝果圈 $38藍莓貝果圈，有淡淡既甜果味，幾特別，我自己鍾意藍莓多啲，不過番茄味都唔錯。兩隻忌廉唔同，一白一粉橙色，不過味道差唔多。德國蜜桃花茶 Standard $44野飲叫左杯德國蜜桃花茶，喺用蜜桃乾冲，無茶味，基本上唔甜，有微淡蜜桃果香。呢度果然係打卡勝地，見到有食客特登著得
之前黎過一次，呢度只有輕食如簡單Bagels，蛋糕，好多款唔同咖啡，茶同特飲。
裝修同其他Mamaday一樣有玩味，呢度係以鬼屋為主題，門口非常突出，係地下收銀買完攞完野食就自己上樓位食。全程都真係好鬼屋feel，如果我一個人夜媽媽黎可能都會驚驚地。
呢度好似有三層，二樓環境都唔錯，有一個露台。三樓今日去唔開，得二樓，不過都好靜好夠位坐。
今日黎得唔係時候，冇哂蛋糕，貝果圈都係得返一種，有兩隻味，分別係蕃茄乾同藍莓，所以索性兩隻貝果圈味道都試哂。
蕃茄乾貝果圈 $38
貝果圈即時制作，所以要等12分鐘。超新鮮，果然係熱辣辣出爐。貝果圈質感係外脆內超煙韌，好有咬口，齋食一定會乾，所以要揸忌廉。忌廉好滑，我全部食晒。
藍莓貝果圈 $38
藍莓貝果圈，有淡淡既甜果味，幾特別，我自己鍾意藍莓多啲，不過番茄味都唔錯。兩隻忌廉唔同，一白一粉橙色，不過味道差唔多。
德國蜜桃花茶 Standard $44
野飲叫左杯德國蜜桃花茶，喺用蜜桃乾冲，無茶味，基本上唔甜，有微淡蜜桃果香。
呢度果然係打卡勝地，見到有食客特登著得靚靚化哂裝喺條樓梯度影相，臨走時見到有遊人當呢度好似景點咁影相，真係似旅遊景點多過cafe。有時間黎呢度hea下都幾得意，好似去左個小旅行。
Post
