韓牛牧場 (Closed)

又係登龍街🤣 呢條食街真心好多港日韓台嘅嘢食，今次嚟食韓燒🇰🇷 平時韓燒成日覺得啲熱力唔夠勻巡，今次見到呢間好得意個爐識自己轉👻價錢都唔貴🤑一於同朋友試吓🤤呢到最平嘅濟洲黑毛豬韓燒肉定量午市餐 (二人份)都係$188，除返開一個人真係唔洗$100，仲包埋出面自助吧嘢飲同十幾款前菜任食，不過朋友係牛魔王就揀咗1++韓牛韓燒定量午市餐（二人份）($238)，但其實都係$120位，包埋前菜任飲任食其實好抵玩😝前菜除咗有韓式泡菜、沙律同唔同醬汁，仲有好多涼拌小碟，最驚喜嘅係竟然有麻辣牛舌😍 牛舌好軟淋，加埋佢啲調味料真心好惹味，唔夠飽嘅話真係可以係到食到飽🤭講返主菜，二人餐其實包咗1++韓牛牛肋骨肉同韓醬1++韓牛肩胛，兩款牛味濃郁，油脂豐富，燒完逼晒啲油出嚟好正🥰同埋最正係個爐因為佢識轉所以啲熱力好均勻，同埋大家都可以一齊燒🥸 套餐仲包埋西班牙黑豚五花腩、韓式雞腿肉同埋虎蝦拼半殼青口，其他就不過不失，但雞髀肉燒到啱啱好金黃邊勁開心😚我哋仲額外加咗個火炙1++韓牛丼 ($138)🍚 韓牛撈蛋汁世一💯啲蛋汁撈埋飯真心好滿足💛 而且都有幾多片韓牛，不過諗諗下好似自己燒會開心啲，大家可以自己衡量下🤪