Video
Read full review
2016-09-09
2427 views
第一次在Openrice寫食評, 真係覺得非寫不可, 上星期過香港食飯, 係網上查到尼間餐廳, 有藝人同雜誌推薦, 諗住實唔差啦, 4點幾訂位, 得返尖沙咀有位, OK, 照去!我地食6點至8點半戈段時間, 2個女仔, 準時到亦都有位坐, 一坐低阿姨就指住牆上ga飲品, 問我地飲乜, 戈一刻都未意識到飲品係另計錢的.揀好飲品, 就有戈阿叔問我地上得餸未, 戈一刻先發現原來係無得揀, 咁OK la, 照上, 都坐低左lok,跟住就黎左下面尼堆野, 1. 一碟大約2隻豉油碟咁大, 得十一, 二片咁上下ga普通細片牛肉,2. 6隻蝦3. 一條1掌咁大的倉魚4. 豉油碟咁大的魚青5. 一隻唔知水蟹定花蟹6. 約10粒蜆7. 唔夠半隻的雞8. 各4粒切半的牛丸同墨魚丸9. 約4至5塊切件魷魚10. 2隻細鮑魚11. 適量冬瓜, 粟米, 12. 適量南瓜和油炸鬼(唔脆, "淋"曬, 油味重)重點：無蠔, 無瀨尿蝦, 無人出聲.寫落好似好多野咁, 實情份量少到喊, 老老實實兩個女仔食都只係岩岩好, 但以188+飲品+另加一, 毎人2XX埋單, 真心唔知自己食左乜, 仲有種焗你食ga感覺.寫住毎人18
我地食6點至8點半戈段時間, 2個女仔, 準時到亦都有位坐, 一坐低阿姨就指住牆上ga飲品, 問我地飲乜, 戈一刻都未意識到飲品係另計錢的.
揀好飲品, 就有戈阿叔問我地上得餸未, 戈一刻先發現原來係無得揀, 咁OK la, 照上, 都坐低左lok,
跟住就黎左下面尼堆野,
1. 一碟大約2隻豉油碟咁大, 得十一, 二片咁上下ga普通細片牛肉,
2. 6隻蝦
3. 一條1掌咁大的倉魚
4. 豉油碟咁大的魚青
5. 一隻唔知水蟹定花蟹
6. 約10粒蜆
7. 唔夠半隻的雞
8. 各4粒切半的牛丸同墨魚丸
9. 約4至5塊切件魷魚
10. 2隻細鮑魚
11. 適量冬瓜, 粟米,
12. 適量南瓜和油炸鬼(唔脆, "淋"曬, 油味重)
重點：無蠔, 無瀨尿蝦, 無人出聲.
寫落好似好多野咁, 實情份量少到喊, 老老實實兩個女仔食都只係岩岩好, 但以188+飲品+另加一, 毎人2XX埋單, 真心唔知自己食左乜, 仲有種焗你食ga感覺.
寫住毎人188, 又限時18:00-20:30, 睇落已經好令人誤會係任食, 仲要唔包飲品, 我真係唔明其他人做乜會寫好評又好抵咁, 2百開頭我覺得仲有好多選擇, 如果都係戈個餐, 點解唔寫2人份, 3人份咁賣, 4人份咁賣, 反而要寫毎人幾錢.(不過尼個我事前無做好功課, 中伏都無計)
望到隔離桌一對情侶, 份量都一模一樣, 咁都證明唔係睇見我地兩個女仔, 所以俾少D我地, 但我覺得有男仔食, 尼份野點會食得飽.
最後要吐槽一下個所謂ga粥, 以上面戈材料, 雞蝦蟹蜆熟左就食, 反而倉魚陣味好重(唔係鮮味, 總之就係倉魚戈陣味), 啖湯係咩味真係唔洗講, 佢個粥唔係加左D南瓜, 真係食唔落lo, D 南瓜仲要只係岩岩好熟, 就俾我地食, D味都未出曬.
我相信尼間舖岩岩開可能唔錯, 睇佐敦分店的評價同相好似都唔錯, 只可以講應該係越做越差, 絕對無下次.
Post