Sweetology (Closed)

成日都好好奇，點解隔離eurogogo成日要等位，呢間就成日有位，今日一於去試下係咪有伏。我地下午茶時間去，我叫左個拿破崙香腸長通粉，配每日特飲，今日係凍柚子紅茶，再加$8要個焗薯皮，我媽要左個公司窩夫配沙律，呢個唔係餐嚟嘅。首先杯柚子紅茶，我已經叫少冰，但味道超淡！到個長通粉，雖然有汁，但係無味嘅！當時我知道點解隔離咁多人，真係走去eurogogo食好過！然後到公司窩夫沙律，佢好似公司三文治咁，但面包變窩夫，中間夾住蕃茄生菜煙肉，其實賣相唔錯，但窩夫口感不足，似係開粉落唔足料。最後黎埋個薯皮，本身expect佢只有一舊，但竟然有兩舊再配沙律菜，諗住$8咁抵食，切切下唔對路，望下張單，原來阿妹落左個$38正常價薯皮，我明明指住個加配價錢落單㗎啦，不過都怪自己佢拎張單黎時無即刻check，唯有照食，呢個味道不過不失！算係正常少少！一句講晒！無下次！